У Мінску прайшоў марафон па скандынаўскай хадзьбе. Самай пажылой удзельніцы было 93 гады
Напярэдадні Дня пажылых людзей 30 верасня прайшоў IV Рэспубліканскі марафон па скандынаўскай хадзе «Крок да даўгалецця».
У падзеі ўзялі ўдзел больш за 350 мінчукоў пажылога ўзросту, пішуць Мінск-навіны.
Ля фантана ў парку імя Я. Купалы пад бадзёрую музыку сотні мінчукоў з палкамі ў руках рыхтаваліся да старту. У адным з самых маляўнічых куточкаў сталіцы разаграваліся перад марафонам па скандынаўскай хадзе гараджане «срэбнага» ўзросту.
Самай старэйшай удзельніцай падзеі, Елізавеце Самсонавай, — 93 гады.
Жанчына ўдзельнічае ў марафоне не першы раз — у мінулым годзе яна ўжо пераадолела дыстанцыю ў 800 м у Яблыневым скверы каля Храма-помніка Усіх Святых.
Сёлета пераадолела маршрут даўжынёю 1 км.
— Усё жыццё займаюся спортам, ды і цяпер замест ліфта выбіраю лесвіцу, — расказала ўдзельніца. — Мая дачка калісьці вучылася на трэнера, дала наказ, каб я не заседжвалася. Нягледзячы на ўзрост, адчуваю сябе цудоўна. Раю берагчы ногі з маладосці, тады і ў сто гадоў хадзіць будзе лёгка.
Самым старэйшым мужчынам, які выйшаў на дыстанцыю, стаў Мікалай Мялешка.
У сакавіку спартсмену споўніцца 80 гадоў.
— Калісьці было шмат шкодных звычак, але 15 гадоў таму пазбавіўся іх. Цяпер маё жыццё цалкам змянілася: хаджу ў спартзалу, нядаўна адкрыў для сябе скандынаўскую хаду. Хаджу кожны дзень без выключэння, прысвячаю занятку мінімум паўгадзіны на дзень. Вынік адчуваецца адразу: стаў лепш спаць, цудоўна сябе адчуваю, — падзяліўся пенсіянер.
Былога вайскоўца з Брэста, які вярнуўся з Польшчы, абвінавацілі ў «тэрарызме» і адправілі ў калонію6
Каментары