Апошнім часам скаргаў на якасць мабільнага інтэрнэту становіцца болей. Міністр сувязі і інфарматызацыі Кірыл Залескі патлумачыў, што на гэта ўплывае. Але не ўсе ён праблемы прызнае.
«Калі казаць спрошчана, то якасць мабільнай сувязі залежыць ад двух галоўных фактараў. Першае — ад прапускной здольнасці сеткі ў канкрэтным пункце. Яна залежыць ад таго, колькі базавых станцый пабудавана і як часта яны расстаўленыя па тэрыторыі. Другое — ад нагрузкі на сетку. Яна залежыць ад таго, колькі абанентаў і з якой актыўнасцю падлучаныя да сеткі праз канкрэтную базавую станцыю»,
— сказаў Кірыл Залескі на семінары-нарадзе ў Палаты прадстаўнікоў, перадае БелТА.
У зваротах людзі скардзяцца на рэзкае пагаршэнне якасці мабільнай сувязі ў канкрэтных населеных пунктах.
«Але як яна магла пагоршыцца? Бо ніхто не дэмантуе базавыя станцыі — яны як былі, так і засталіся. Гэта азначае, што абаненты, якія знаходзяцца бліжэй, чым праблемная зона, да самой базавай станцыі, сталі спажываць больш гэтага рэсурсу. І таму тым, хто знаходзіцца далей, гэтага рэсурсу перастала хапаць», — аргументаваў ён.
Міністр прывёў аналогію з тым, што ў суботу ўвечары ў высокапавярховым доме на апошніх паверхах не хапае гарачай вады, якая проста туды не даходзіць.
Каб вырашыць праблему, трэба будаваць больш базавых станцый і расстаўляць іх па тэрыторыі больш часта. Міністр запэўнівае, што над гэтым працуюць.
У 2024 годзе аператары сотавай сувязі пабудавалі больш за 2,3 тысячы базавых станцый, і іх агульная колькасць перавысіла 40 тысяч. Сёлета пабудавалі каля 2,1 тысячы базавых станцый, і да канца гэтага года агульная колькасць дасягне каля 45 тысяч.
Паводле афіцыйнай статыстыкі, цяпер ахоп насельніцтва Беларусі паслугамі сотавай і рухомай электрасувязі па тэхналогіі 4G складае 99,6%, ахоп тэрыторыі — 94%. Пры гэтым ахоп насельніцтва паслугамі сотавай сувязі па тэхналогіі 3G складае 99,9%, тэрыторыі — 98,6%.
Але міністр прызнае, што хуткасць мабільнага інтэрнэту ў вёсках невысокая.
«Можам канстатаваць і такі факт — спажыванне трафіку мабільнага інтэрнэту ў Беларусі за апошнія пяць гадоў вырасла ў тры разы. І штогод гэты рост складае прыкладна 40%», — сказаў міністр.
-
У Мінску прадалі кватэру, у якой была зарэгістраваная Аляксандра Герасіменя
-
Пісаў у чатах па-беларуску і сам рамантаваў сваё аўто. Кіраўніка інавацый IT-кампаніі 4RM Systems кінулі за краты за палітыку
-
Лукашэнка прыехаў на «раптоўную» праверку боегатоўнасці Узброеных сіл. Міністра папярэдзілі а 7‑й раніцы
Цяпер чытаюць
Круіз на цеплаходзе «Белая Русь» па рэках Палесся каштуе як адпачынак у Турцыі. Але каюты на вясну-лета амаль выкупленыя8
Каментары
Жалуйтесь дальше, министр придумает новые объяснялки.
Ждите начала продаж смартфона от Илона Маска, при покупке которого купите пожизненное подключение к старлинку (будет включено в цену), послав лесом и лукашенко, и его красауцау, если сможете провезти в сасут шчасьця.
> "спажыванне трафіку мабільнага інтэрнэту ў Беларусі за апошнія пяць гадоў вырасла ў тры разы"
З улікам таго, як народ засеў у тыктоках, здаецца, павінна было быць і больш.
Фільтрацыя і аналіз трафіка не займае 40% магутнасцей. Такое і нават горшае было ў тыя асобныя дні і тыдні 2024-га, калі наладжвалі абсталяванне для блакіровак папулярных VPN.
Могуць пагаршаць хуткасць "неправераных" злучэнняў, але не ясна, наколькі часта такое выкарыстоўваецца.
Гэта дакладна не галоўная прычына таго, што ў Беларусі, ў тым ліку, з-за санкцый, развіццё інтэрнету адстае па хуткасці і па тэхналогіях ад сусветнага.