Прэм'ер Фіца: Мэта ўрада Славакіі не паражэнне Расіі, а хутчэйшы канец вайны ва Украіне
«Гэта славяне, якія забіваюць адно аднаго. Вайна — гэта не рашэнне».
Прэм'ер-міністр Славакіі Роберт Фіца заявіў, што мэтай славацкага ўрада не з'яўляецца параза Расіі.
Пра гэта ён сказаў у тэлевізійнай дыскусійнай праграме на грамадскім вяшчальніку STVR, прыводзіць яго словы «Еўрапейская праўда».
Славацкі прэм'ер-міністр зноў раскрытыкаваў падыход Еўрапейскага Саюза да вайны РФ супраць Украіны.
«Мэтай знешняй палітыкі Славацкай Рэспублікі, урада Славацкай Рэспублікі, прэм'ер-міністрам якой я з'яўляюся, не з'яўляецца параза Расійскай Федэрацыі. Наша мэта — як мага хутчэй скончыць вайну ва Украіне. Гэта славяне, якія забіваюць адно аднаго. Вайна — гэта не рашэнне», — сказаў Фіца.
Славацкі прэм'ер, як і яго венгерскі калега Віктар Орбан, даўно крытыкуе санкцыі ЕС супраць Расіі за яе працяглую агрэсію супраць Украіны і ваенную дапамогу Кіеву. Пасля прыходу да ўлады пазалетась цяперашні ўрад Фіца вырашыў спыніць пастаўкі зброі і ваеннай тэхнікі з дзяржаўных рэзерваў ва Украіну, але дазволіў працягваць камерцыйныя пастаўкі.
«Калі б ЕС траціў столькі ж энергіі на мір, колькі ён траціць на падтрымку вайны ва Украіне, вайну можна было б даўно скончыць. Я ніколі не буду прэм'ер-міністрам ваеннага часу», — сказаў прэм'ер-міністр Славакіі.
На пытанне мадэратара, ці не супярэчыць падыход адносна неўмяшання ў вайну ва Украіне спадчыне тых, хто змагаўся за свабоду Славакіі падчас Другой сусветнай вайны, Фіца ахарактарызаваў вайну ва Украіне як рэгіянальны канфлікт.
Пасля сустрэчы Трампа і Пуціна на Алясцы Фіца заклікаў Украіну быць адкрытай да дыскусіі аб тэрытарыяльных зменах, лічачы, што без гэтага далейшыя крокі для спынення вайны немагчымыя.
Фіца і Вучыч былі адзінымі гасцямі Пуціна з Еўропы на ўзроўні лідараў дзяржаў на ўрачыстасцях у Маскве 9 мая.
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся1
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары