Украінскі ўдар абясточыў усю акупаваную Расіяй частку Запарожскай вобласці
Уся тэрыторыя Запарожскай вобласці, акупаваная Расіяй, 7 кастрычніка засталася без электразабеспячэння пасля ўдару Узброеных сіл Украіны. Пра гэта паведаміла расійскае Міністэрства энергетыкі ў сваім канале ў тэлеграме.
У ведамстве адзначылі, што ў акупаванай вобласці ёсць пашкоджаныя энергетычныя аб’екты, але работы па аднаўленні, маўляў, ужо ідуць. Жыхароў заклікалі захоўваць спакой, абяцаючы ім як мага хутчэй аднавіць падачу электраэнергіі.
Прызначаны Масквой кіраўнік акупацыйнай адміністрацыі Яўген Балiцкі пацвердзіў маштабныя адключэнні і паведаміў, што медустановы працуюць на рэзервовых крыніцах электраэнергіі. Ён падкрэсліў, што неадкладная дапамога аказваецца ў поўным аб’ёме, і выказаў надзею, што электраэнергію ўдасца аднавіць ужо да вечара.
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»5
Каментары