Гандлёвае прадстаўніцтва Лівіі пачало працу ў Мінску 21 кастрычніка. Ва ўрачыстай цырымоніі адкрыцця ўзялі ўдзел намеснік прэм’ер-міністра Віктар Каранкевіч і намеснік галоўнакамандуючага Лівійскай нацыянальнай арміі генерал-палкоўнік Садам Халіфа Хафтара, піша sb.by.
Двухпавярховы будынак размясціўся па адрасе: завулак Горны, 3.
Стварэнне аб’екта накіравана на развіццё гандлёвых адносін паміж Беларуссю і Лівіяй. Ён будзе выконваць функцыю цэнтра прыцягнення суб’ектаў гаспадарання і дзелавых колаў, прадстаўляючы пляцоўку для арганізацыі сустрэч і абмеркавання канкрэтных пагадненняў.
Раней, у маі, падчас візіту беларускай урадавай дэлегацыі ў Лівію бакі дамовіліся аб развіцці супрацоўніцтва па многіх напрамках, сярод якіх — прамысловасць, сельская гаспадарка і ахова здароўя.
Паводле слоў куратара беларуска-лівійскіх праектаў у аграпрамысловай сферы Анатоля Ліневіча, з адкрыццём гэтага аб’екта гандлёва-эканамічныя адносіны паміж дзвюма краінамі толькі палепшацца.
Каментары