Еўракамісія і Рада старшыняў ЕС выказалі падтрымку Літве, якая змагаецца з беларускімі метэазондамі. Лідары ЕС назвалі дзеянні Беларусі гібрыднай атакай, паведамляе Delfi.lt.
«Еўропа цалкам салідарная з Літвой, якая сутыкнулася з рэгулярным уварваннем кантрабандысцкіх метэазондаў у паветраную прастору. Гэта дэстабілізацыя. Гэта правакацыя. Мы называем гэта сваім сапраўдным імем: гібрыдная пагроза. Мы не імкнемся гэта трываць. Гэта яшчэ адна прычына для паскарэння нашых ініцыятыў — назірання за ўсходнім флангам і ажыццяўлення ініцыятывы еўрапейскай абароны супраць дронаў», — напісала ў сацыяльнай сетцы кіраўніца ЕК Урсула фон дэр Ляен.
З ёй пагадзіўся і прэзідэнт Еўрапейскай рады Антоніу Кошта. «Поўная салідарнасць з жыхарамі Літвы пасля пастаянных правакацыйных дзеянняў Беларусі супраць ЕС і яго дзяржаў-членаў. Гэта гібрыдная дзейнасць павінна спыніцца, а Беларусь — спыніць далейшыя інцыдэнты. ЕС па-ранейшаму будзе аказваць ціск на рэжым з-за яго супрацоўніцтва з Расіяй у вайне супраць Украіны і падтрымліваць абарону ўсходняй мяжы ЕС», — падкрэсліў Кошта.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары
Вялікі дзякуй за допіс ў сацыяльнай сетцы кіраўніцы ЕС Урсуле фон дэр Ляен.