Аказваецца, Клачко, Манько і Баранаў, якія сказалі, што выйшлі з КР з фракцыяй «Воля», нікуды не выходзілі
Яны лічаць, што засталіся ў Каардынацыйнай радзе, проста самі па сабе, без фракцыі.
Працягваюцца разборкі вакол фракцыі «Воля», якая 26 кастрычніка ўрачыста абвесціла аб выхадзе з Каардынацыйнай рады. Абвестка ў тэлеграм-канале фракцыі ілюстравалася здымкам дэлегатаў Аляксандра Клачко, Аляксандра Кабанава, Генадзя Манько і Дзмітрыя Баранава.
Пры гэтым яшчэ двое ўдзельнікаў «Волі», Віталь Пацехін і Пятро Маркелаў, не збіраліся нікуды сыходзіць, таму сталі пазафракцыйнымі дэлегатамі.
Аднак праз дзень высветлілася, што, аказваецца, усе няправільна зразумелі Клачко, Манько і Баранава — яны таксама нікуды не выходзілі, а хочуць заставацца пазафракцыйнымі.
«26.10.2025 ані Клачко, ані Манько, ані Баранаў не пісалі спікеру КР альбо сакратарыяту заявы аб індывідуальным сыходзе (як таго патрабуе Статут для выключэння дэлегатаў з КР індывідуальна). … Звяртаемся да спікера КР Арцёма Брухана з запытам на прадастаўленне інфармацыі: на падставе чаго адбылося індывідуальнае выключэнне з КР дэлегатаў Клачко, Манько, Баранава?», — гаворыцца ў новай заяве былых удзельнікаў фракцыі «Воля».
Пра лёс Аляксандра Кабанава пры гэтым нічога не гаворыцца. Выглядае, што ён, у адрозненне ад былых калег, выйшаў з КР канчаткова.
На выбарах у КР у 2024 годзе спіс «Воля» атрымаў 432 галасы ў сваю падтрымку, гэта 6,43%.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5858
Каментары
Тэкст на не не адпавядае рэчаіснасці.
Па п.3.3 Статуту КР фракцыя "Воля" ліквідавана.
Далей пачаліся маніпуляцыі ад сакратарыята КР і кіраўніцтва фракцыі "КЛРЗС".