Старое Гродна працягваюць разбураць. Прычыну трэба шукаць у расійскай, усходняй ментальнасці начальства. Еўрапейскі горад — інтэр’ерны, прастора вакол жыхара агароджана будынкамі, апрача неба над галавой. Пляцы ў еўрапейскім горадзе забудаваныя з усіх бакоў і існуюць для збору грамадзянаў або як рынкі. Усходні пляц — гэта вольная ад забудоў прастора ў горадзе, дзе знаходзіцца рэзідэнцыя цяперашняга ўладара і дзе стаіць помнік пачынальніку дынастыі, з якой паходзіць уладар.
З гэтага пляца павінны быць бачны гарызонты неабсяжнай краіны і на гэтым пляцы павінны адбывацца вайсковыя парады з удзелам сланоў або танкаў.
Мне казалі, што гадоў сорак таму гродзенскія ўлады меліся зруйнаваць на Савецкім пляцы Фарны касцёл, каб з пляца былі відаць коміны прадпрыемства «Азот». Цяперашнія кіраўнікі Гродна высеклі дрэвы на пляцы, якія выконвалі тую ж функцыю, што раней палац Радзівілаў, і раскрылі прастору з комінамі нейкага завода.
Пакуль мысленне нашых чыноўнікаў і архітэктараў будзе не беларускім — нашы старыя гарады будуць разбурацца.
-
Цыганкоў: Бабарыка значна бліжэйшы да пазіцыі офіса Святланы Ціханоўскай, чым да выказванняў «бабарыканцаў»
-
Бабарыка турэмшчыкам: «У мяне было, цяпер няма, але ёсць шанец, што будзе. А ў вас не было, няма і не будзе. І ў вашых дзяцей не будзе»
-
«Мне казалі: ты гаворыш як канадскі эмігрант». Сяргей Шупа расказаў пра Вільню 90-х, параўнанне літоўскай літаратуры з беларускай і адрозненні паміж народамі
Цяпер чытаюць
Ад прыватнікаў патрабуюць завесці ідэолага ў штаце — распыталі, што робяць кампаніі15
Каментары