У гандлёвым комплексе «Першы нацыянальны» ў Мінску прадаецца кватэра
Амаль два гады таму на месцы былога іранскага доўгабуда на праспекце Незалежнасці пачаў працаваць «Першы нацыянальны» гандлёвы цэнтр. Акрамя крамаў з беларускімі таварамі ў будынку размясціліся і кватэры.
Нягледзячы на тое, што жыллё тут у асноўным — арэнднае, часам у будынку з’яўляюцца варыянты на продаж. Напрыклад, проста цяпер у доме побач з «Данай Мол» і Нацыянальнай бібліятэкай прадаецца двухпакаёвая кватэра, піша Realt.by.
Кватэра размешчана на праспекце Незалежнасці, 134/1. Жыллё знаходзіцца на восьмым паверсе адзінаццаціпавярховага гандлёва-офіснага будынка. Акны кватэры выходзяць на дзіцячы сад і лясны масіў. Агульная плошча «двушкі» складае 58 квадратных метраў. Кватэра складаецца з прыёмнай, прасторнай кухні-гасцёўні, асобнай спальні і раздзельнага санвузла. Улічваючы абставіны будоўлі (у працэсе будынак змяніў прызначэнне), балкона ў кватэры няма. Затое ў жыллі — высокія столі (3,08 метра), што дадае магчымасцей для ўвасаблення разнастайных ідэй.
У двухпакаёвай кватэры ўжо зроблены стандартны рамонт — праўда, без якіх-небудзь вытанчанасцей. На фатаграфіях можна заўважыць светлыя сцены, ламінат, плітку.
У зоне кухні ўсталявана электрычная пліта і ракавіна. На фота таксама можна заўважыць шафу і халадзільнік. У аб’яве адзначаецца, што ў кватэру праведзена аптавалакно. На фатаграфіях можна разгледзець жылыя паверхі і пад’езд дома. Усё выглядае даволі сціпла.
Аўтар аб’явы згадвае выдатнае размяшчэнне дома. За дзве хвіліны ад «Першага нацыянальнага» знаходзіцца станцыя метро «Усход», а праз дарогу — гандлёвы цэнтр «Дана Мол». Для аматараў пешых прагулкаў — зялёная зона ўздоўж Сляпянскай воднай сістэмы і лясны масіў. Побач з шматпавярхоўкай знаходзіцца школа № 61 (са сваім стадыёнам) і яслi-сад № 572.
Для жыхароў і гасцей гандлёвага дома пад будынкам абсталяваны падземны паркінг на 1135 месцаў. Кошт двухпакаёвай кватэры з аздабленнем складае 135 тысяч долараў (2316 долараў — за метр).
Цяпер чытаюць
«Запускайце далей салюты, а я выклічу міліцыю». Беларусы спрачаюцца пра забарону на феерверкі2
Каментары