«Замест даведкі гляджу на наяўнасць падручнікаў або дзённіка. Калі і гэтага няма, то прашу паказаць школьную групу ў сацыяльных сетках або нейкі бацькоўскі чат».
Фота: abw.by
Часам здараюцца сітуацыі, калі школьнікаў без даведкі высаджваюць з аўтобуса (для школьнікаў бясплатны праезд падчас вучэбнага года).
Напрыклад, летась у студзені такое адбылося ў Полацку з 10‑гадовым вучнем. У яго разрадзіўся тэлефон, грошай разам з даведкай навучэнца пры сабе не было — толькі банкаўская карта, якую яму зрабілі ў школе. Але кандуктарка вырашыла, што гэтага не хапае для бясплатнага праезду.
Мінскі кантралёр Кацярына расказала abw.by, як правярае, што перад ёй школьнік, калі дзіця забыла даведку.
«Сёння дзеці выглядаюць зусім па-рознаму: часам ты разумееш, што гэта дзіця, а часам перад табой знешне цалкам паўналетні малады чалавек. І ў такіх спрэчных сітуацыях я заўсёды стараюся разабрацца.
Напрыклад, замест даведкі гляджу на наяўнасць падручнікаў або дзённіка. Калі і гэтага няма, то прашу паказаць школьную групу ў сацыяльных сетках або нейкі бацькоўскі чат. Цяпер гэта ёсць у кожнага.
Але дзеці навучыліся і тут хітраваць. Напрыклад, яны скончылі школу, але чат не выдалілі, таму заўсёды гляджу на апошняе паведамленне. Яшчэ, як варыянт, можна патэлефанаваць у школу, каб там пацвердзілі, што перада мной — навучэнец.
Але ў маёй практыцы не было сітуацый, калі я высадзіла пасажыра, а ён і сапраўды аказаўся школьнікам».
Цяпер чытаюць
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары
Погляды людзей трэба разлічаць па поглядах. А па ўскосных прыкметах Вы самі бліжэй да гэтай катэгорыі: нядасканальнасць (няўважлівасць) вашая, але папрок другім, лёгкі прысуд, адсутнасць адказнасці за свае словы.