Паролем ад камер відэаназірання ў абрабаваным Луўры было слова «Луўр»
Французскія СМІ паведамілі нечаканыя падрабязнасці гучнага рабавання Луўра, якое адбылося 18 кастрычніка. Сярод белага дня з музея вынеслі каралеўскія каштоўнасці на суму каля 88 мільёнаў еўра. Адным з фактараў, які дапамог злачынцам, аказаўся зусім слабы ўзровень бяспекі: так, пароль да сістэмы відэаназірання быў проста Louvre («Луўр»).
Як піша выданне Libération, яшчэ дзесяць гадоў таму эксперты па кібербяспецы крытыкавалі стан, у якім знаходзяцца адпаведныя сістэмы музея. У 2014 годзе спецыялісты з дзяржаўнага агенцтва ANSSI падчас праверкі лёгка змаглі атрымаць доступ да ўнутранай сеткі Луўра, кіраваць камерамі і нават змяняць узроўні доступу супрацоўнікаў. Менавіта тады высветлілася, што паролем да сістэм відэаназірання было слова Louvre («Луўр»).
Нягледзячы на папярэджанні, істотных зменаў у гэтым плане не адбылося. У 2015 годзе правялі яшчэ адзін аўдыт, які зноў засведчыў сур’ёзныя праблемы: кепска кантраляваны паток наведвальнікаў, адкрытыя дахі праз рамонт, састарэлае абсталяванне і сістэмы, якія давалі збоі.
Асабліва дзіўна, што нават у 2025 годзе музей карыстаўся праграмным забеспячэннем 2003 года, якое ўжо даўно не абнаўляецца, а серверы працавалі на старой сістэме Windows Server 2003.
Само рабаванне адбылося раніцай 19 кастрычніка. Злачынцы вынеслі дзевяць каштоўных прадметаў з калекцыі Напалеона і французскіх манархаў — усяго на 88 мільёнаў еўра.
Паліцыя затрымала чатырох падазраваных — трох мужчын і жанчыну з прыгарада Сен-Дэні. Двое з іх ужо мелі судзімасці за крадзяжы. Па словах пракурора Парыжа Лор Беко, гэта не буйная арганізаваная група, а хутчэй дробныя, але дасведчаныя злачынцы. Аднаго з іх затрымалі ў аэрапорце, калі ён спрабаваў уцячы ў Алжыр.
«Дробныя зладзюжкі». Рабаванне Луўра здзейснілі жыхары беднага прыгарада Парыжа
У Францыі затрымалі трэцяга падазраванага ў рабаванні Луўра
У арганізацыі рабавання Луўра падазраюць расіяніна, звязанага са спецслужбамі
Пракурорка Парыжа раскрытыкавала ўцечку інфармацыі наконт затрымання падазраваных, што абрабавалі Луўр
Пасля выкрадання каштоўнасцей з Луўра, яго скарбы схавалі ў падземным сховішчы Банка Францыі
«Луўр абрабавалі сярод белага дня. А мяне ў Беларусі крама вылічыла за 7 хвілін па бонуснай картцы»
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары