У кастрычніку беларускі рынак новых легкавых аўтамабіляў паказаў значны ўздым. Паводле даных аўтамабільнай асацыяцыі «БАА», іх продажы выраслі больш чым на 15% адносна вераснёўскіх паказчыкаў, піша Office Life.
Пры гэтым, калі параўноўваць аб’ём рынку новых аўтамабіляў год да года, то ў кастрычніку 2025 года ён застаўся на ўзроўні 2024-га.
У БАА лічаць, што на станоўчую дынаміку да верасня паўплывала пашырэнне мадэльнага рада ў дылераў. Найбольшы стымул рынку надаў актыўны выхад на рынак гібрыдных і электрычных навінак. Акрамя таго, у кастрычніку на 10% у параўнанні з вераснем павялічыўся імпарт электрамабіляў у краіну.
На аўтамабільным рынку Беларусі па-ранейшаму лідзіруе Belgee. За кастрычнік у краіне прадалі 2 395 аўтамабіляў гэтага брэнда.
Адметна, што з усіх мадэляў аўтавытворцы па продажах лідзіруе Belgee X50. З пачатку 2025 года было прададзена больш за 8,4 тыс. красовераў гэтай мадэлі.
Эксперты прагназуюць, што да канца 2025 года на рынку захаваецца трэнд, нават з улікам надыходу зімовага перыяду. Пры гэтым продажы электрамабіляў працягнуць дэманстраваць апераджальныя тэмпы росту ў апошнія два месяцы года.
У пачатку кастрычніка мы паведамлялі, што за верасень 2025 года афіцыйныя дылеры ў Беларусі прадалі 4 352 легкавыя аўтамабілі. Гэта на 2% больш, чым у жніўні.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы2
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было55
Каментары