Улады Мінска больш не будуць перадаваць зямельныя ўчасткі пад будаўніцтва жылля прыватным забудоўнікам. Пра гэта паведаміла старшыня Камітэта будаўніцтва і інвестыцый Мінгарвыканкама Ірына Гонтарава ў эфіры «Радыё-Мінск».
Здымак ілюстрацыйны. Фота: «Наша Ніва»
Паводле слоў чыноўніцы, усе новыя ўчасткі, якія вызваляюцца пасля зносу прыватнага сектара, будуць перадаваць толькі камунальным прадпрыемствам. Прычына ў тым, што ў сталіцы не хапае вольнай зямлі для новай забудовы, таму прыярытэт аддаецца дзяржаўным структурам.
Цяпер у Мінску каля паловы ўсіх новых жыллёвых аб’ектаў — 36 з 89 — будуецца сіламі камунальных прадпрыемстваў.
Такім чынам, прыватныя будаўнічыя кампаніі больш не атрымаюць магчымасці ўдзельнічаць у размеркаванні новых участкаў пад жыллёвую забудову ў сталіцы.
Цяпер чытаюць
Бетанаваць грошы — нацыянальная ідэя беларусаў? Параўналі тэмпы будаўніцтва ў Беларусі, Польшчы, Літве і Латвіі10
Каментары
Дадуць працу спецыялістам па зносу гандлёва-забаўляльных цэнтраў дзеля магчымасці проста жыць у летнюю спёку у гэтым горадзе? Проста дыхаць.
Ёсць картаграфічныя сэрвісы, якія даюць магчымасць паглядзець, што было калі не 50-60-т, то хаця б 20-ць гадоў таму на месцы шкла-бетонных будынкаў.
https://earthengine.google.com/timelapse/#v=53.900556,27.558611,12,latLng&t=3.04