Свет11

Украіна спыніла перамовы з Расіяй з-за адсутнасці прагрэсу

Першы намеснік міністра замежных спраў Украіны Сяргей Кісліца ў інтэрв’ю The Times адзначыў, што, «паколькі мірныя перамовы з Расіяй сёлета завяршыліся без асаблівага прагрэсу, іх спынілі».

Украінская дэлегацыя на адным з раўндаў перамоў у Стамбуле. Фота: Chris McGrath / Getty Images

«Ва ўмовах дыктатуры немагчыма весці плённыя дыскусіі з перамоўнымі групамі, якія прадстаўляюць дыктатара. У іх вельмі жорсткі мандат, і яны павінны адстойваць тую пазіцыю, якую ім загадалі», — заявіў Кісліца, маючы на ўвазе сёлетні перамоўны працэс украінскай і расійскай дэлегацый у Стамбуле.

Перамовы ў Стамбуле праходзілі ў тры этапы — у маі, чэрвені і ліпені. Украінскі бок настойваў на безумоўным спыненні агню і прыпыненні ўдараў па цывільнай інфраструктуры. Расійская дэлегацыя пад кіраўніцтвам памочніка Пуціна Уладзіміра Мядзінскага фактычна, аднак, адмовілася ад перамір’я. Масква выставіла ад пачатку нерэалістычныя патрабаванні прызнаць анексаваныя тэрыторыі Украіны расійскімі і абмежаваць колькасць Узброеных сіл Украіны.

Кісліца ў інтэрв'ю таксама адзначыў, што з лета 2025 года Кіеў актыўна працаваў з міжнароднымі партнёрамі, каб павялічыць ціск на прэзідэнта Расіі Уладзіміра Пуціна і дамагчыся яго асабістай сустрэчы з прэзідэнтам Украіны Уладзімірам Зяленскім.

Пры гэтым ён адзначыў, што расіяне прапаноўвалі, сярод іншага, «суполкі ў WhatsApp» і іншыя фармальныя механізмы, якія закліканы не рэальна вырашаць сутнасць пытанняў, а толькі паказваць ЗША, што перамовы ідуць паспяхова і санкцыі супраць Расіі не патрэбныя.

Пасля інтэрв’ю Кісліцы ў МЗС Расіі заявілі, што, маўляў, гатовыя аднавіць перамовы ў Турцыі, падкрэсліўшы, што іх прыпыненне ініцыявана Кіевам. Турэцкія прадстаўнікі неаднаразова заклікалі абодва бакі аднавіць перамовы, і, па словах кіраўніка другога дэпартамента краін СНД МЗС РФ Аляксея Палішчука, «мяч цяпер на баку Украіны».

Палішчук таксама адзначыў, што падчас стамбульскіх сустрэч удалося дамовіцца пра гуманітарныя пытанні: абмен ваеннапленнымі, рэпатрыяцыю целаў загінулых, вяртанне грамадзянскіх асоб. Але ў пытанні стварэння «трох працоўных груп стамбульскага працэсу» адказ Украіны пакуль не атрымалі.

The Times адзначае, што Сяргей Кісліца, па даручэнні прэзідэнта Украіны, каардынуе мірны працэс з удзелам Расіі, ЗША і саюзнікаў па НАТА.

Каментары1

  • Чел
    12.11.2025
    Как сказал Стоянов в Городке: "Бесперспективняк".

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал5

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

У Гродне анансавалі стварэнне новага жылога квартала

У пасажыра на станцыі метро знайшлі самаробны меч для гістарычных баёў. Цяпер яго будуць судзіць7

Z-блогер, які марыў забіць усіх украінцаў, загінуў сам12

Відэагульню, створаную беларусамі, намінавалі на прэмію The Game Awards

Алімпійскі чэмпіён Антон Кушнір стаў падзарабляць відэавіншаваннямі1

Прызналі «экстрэмісцкім» спартыўны чат «Волейбол в Минске»

Від на Каложскую царкву безнадзейна сапсаваны52

Папулярная крама ў Польшчы прызналася, што гандлявала няякаснымі прэзерватывамі4

Кіроўца маршруткі адмовіўся везці дзіця, якое не мела наяўных грошай. Ці меў ён рацыю?2

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал5

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць