У Літве затрымалі трох чалавек, якія падазраюць у спрыянні кантрабандзе з Беларусі
У Салечніцкім раёне затрымалі яшчэ трох чалавек, якіх падазраюць ва ўдзеле ў кантрабандзе цыгарэт з Беларусі паветранымі шарамі, паведамляе Служба аховы дзяржаўнай мяжы Літвы.
13 лістапада супрацоўнікі крымінальнай разведкі і следчага аддзела памежнай службы затрымалі трох жыхароў Салечніцкага раёна. Іх падазраюць у тым, што яны ўдзельнічалі ў тым ліку ў схемах паветранай кантрабанды. Пры затрыманні дапамагалі кінолаг і службовы сабака. У дамах падазраваных правялі ператрусы, пасля чаго іх змясцілі ў ізалятар. Пракурор хадайнічае аб арышце гэтых людзей на месяц.
Лічыцца, што яны супрацоўнічалі з двума іншымі кантрабандыстамі, затрыманымі 4 лістапада. Тады ў Аранскім раёне памежнікі спынілі два аўтамабілі: у адным перавозілі 12 скрынак (6000 пачкаў) цыгарэт, у другім ехалі «суправаджальнікі». Кіроўцам, якія везлі груз, удалося збегчы, але іх памагатых схапілі і арыштавалі.
Пошукі ўцекачоў і яшчэ аднаго саўдзельніка завяршыліся апошнімі затрыманнямі ў Салечніцкім раёне.
За незаконны абарот акцызных тавараў і кантрабанду падазраваным пагражае штраф або да шасці гадоў турмы.
Сёлета літоўскія памежнікі ўжо затрымалі 107 чалавек, звязаных з кантрабандай цыгарэт паветрам, — у параўнанні з 46 летась. Дронамі і паветранымі шарамі ў краіну спрабавалі пераслаць больш за 1,3 мільёна пачкаў цыгарэт. Усяго за год канфіскавалі ўжо каля 4 мільёнаў пачкаў нелегальных тытунёвых вырабаў.
На фоне адкрыцця Польшчай мяжы Мінск прапануе адкласці тэхнічныя перамовы з Літвой
Прэм'ер Літвы: Мы павінны быць гатовыя да новых пагроз з Беларусі
Міністр замежных спраў Літвы спадзяецца, што ЕС на наступным тыдні ўхваліць новыя санкцыі для Мінска
Уладзіслаў Кандратовіч: «Лукашэнка з літоўскімі фурамі абышоўся як рэкецір»
Цяпер чытаюць
Колькасць судоў па палітычных крыміналках зменшылася ў разы19
Каментары