Па выніках кастрычніка сярэдні кошт квадратнага метра ў Мінску склаў 1843 даляры. Гэта плюс 50 даляраў за месяц. Псіхалагічная мяжа ў $1800 пройдзена, адзначае партал Wikidom.
Што датычыцца сегментаў, тут сітуацыя наступная. На чыстым другасным квадратны метр каштаваў 1823 даляры, што на 47 даляраў больш, чым месяцам раней.
У гатовых новабудоўлях сярэдні кошт квадратнага метра дасягнуў $2025, або плюс 109 даляраў.
Калі казаць пра долю дарагіх кватэр з цэннікам вышэй за 100 тыс., іх колькасць рэзка вырасла і склала 33% ад агульнай колькасці ўсіх продажаў. За кастрычнік прададзена 475 такіх кватэр. Як адзначаюць аналітыкі, доля дарагіх кватэр знаходзіцца на рэкордна высокіх узроўнях — па сутнасці, сёння гэта ўжо кожная трэцяя кватэра ў сталіцы.
Па выніках кастрычніка ў Мінску склаліся наступныя сярэднія цэны за метр на розныя кватэры:
- 1‑пакаёвыя — $1993 (+ $43);
- 2‑пакаёвыя — $1772 (+ $68);
- 3‑пакаёвыя — $1623 (+ $37);
- 4‑пакаёвыя — $1516 (+ $59).
Даражэлі ўсе віды кватэр, і пры гэтым даволі раўнамерна, што, на думку аналітыкаў, гаворыць пра пераход рынку да новых цэнавых рэалій.
У той жа час у структуры здзелак трохі падрасла доля 1‑пакаёвых за кошт зніжэння колькасці 2– і 3-пакаёвых. Таксама за кастрычнік зафіксавалі чатыры здзелкі з 5‑пакаёвымі кватэрамі.
Дарэчы, самы дарагі метр у кастрычніку аказаўся ў ЖК «Маяк Мінска» — 4100 даляраў. За столькі ў доме 2019 года пабудовы прадалі 2‑пакаёвую кватэру метражом каля 37 квадратных метраў. А вось самай вялікай па плошчы стала 5‑пакаёвая кватэра на вул. Багдановіча — каля 185 метраў. Яна знаходзіцца ў доме 2006 года пабудовы, метр у ёй каштаваў каля 1500 даляраў.
Былога вайскоўца з Брэста, які вярнуўся з Польшчы, абвінавацілі ў «тэрарызме» і адправілі ў калонію6
Каментары