Мужчына з Індыі страціў у выніку катастрофы ў Саудаўскай Аравіі 18 членаў сваёй сям’і
35‑гадовы Саед Рашыд некалькі дзён таму развітаўся са сваякамі, калі яны ехалі ў паломніцтва ў Саудаўскую Аравію. Ён і не падазраваў, што больш ніколі іх не ўбачыць. Але ў выніку ён страціў 18 членаў сваёй сям'і ў выніку аўтакатастрофы каля горада Медзіна ў Саудаўскай Аравіі, паведамляе Hindustan Times.
Сярод ахвяр катастрофы былі бацькі Саеда, чыгуначнік-пенсіянер, 65‑гадовы Шайк Насіруддзін і 60‑гадовая Ахтэр Бегум. Таксама ў аўтобусе сярод іншых былі ягоны 38‑гадовы брат, 35‑гадовая нявестка, трое іх дзяцей і яшчэ больш за дзясятак іншых сваякоў.
Саед Рашыд сказаў, што асабіста праводзіў сям'ю ў аэрапорце горада Хайдарабада, калі яны выправіліся ў паломніцтва. Ён успомніў, як пераконваў іх не падарожнічаць разам, асабліва з дзецьмі.
«Я і ўявіць сабе не мог, што бачу іх у апошні раз. Прынамсі, некаторыя з іх выжылі б, калі б паслухаліся», — сказаў ён.
Раней стала вядома, што не менш за 45 паломнікаў з Індыі загінулі ў Саудаўскай Аравіі ў аварыі з аўтобусам. ДТЗ адбылося 17 лістапада раніцай недалёка ад Медзіны: аўтобус, які накіроўваўся з Мекі, сутыкнуўся з дызельнай цыстэрнай, пасля чаго ўспыхнуў пажар.
У аўтобусе было каля 46 пасажыраў, у тым ліку 20 жанчын і 11 дзяцей. Паводле папярэдняй інфармацыі, толькі адзін чалавек выжыў, астатнія загінулі на месцы.
Следчыя органы Саудаўскай Аравіі высвятляюць абставіны аварыі. Па папярэдніх даных, прычынамі трагедыі маглі стаць тэхнічныя няспраўнасці і парушэнне правіл перавозкі пасажыраў.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам25
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары