У Еўропе абураныя намерам Трампа нагрэць рукі на замарожаных ЕС расійскіх актывах
Еўрапейскія дыпламаты і чыноўнікі абураныя планам Дональда Трампа, які, як піша выданне Politico, прапануе выкарыстоўваць замарожаныя расійскія актывы не так для падтрымкі Украіны, як для атрымання прыбытку ЗША. Асноўным аўтарам ідэі называюць спецпасланніка Трампа Стыва Уіткафа. Некаторыя еўрапейскія прадстаўнікі нават заявілі, што «Уіткафу патрэбны псіхіятр».
Пакуль Еўрасаюз некалькі месяцаў спрабуе ўзгадніць юрыдычную схему, каб выкарыстоўваць каля 140 мільярдаў еўра расійскіх актываў як гарантыю для крэдыту Украіне, амерыканскі план прадугледжвае, што гэтыя актывы будуць выкарыстоўваць для фінансавання амерыканскай пасляваеннай рэканструкцыі, а ЗША атрымаюць з гэтага 50% прыбытку.
У Бруселі такі падыход назвалі «скандальным», «вульгарнай праявай стылю Трампа». Калі Еўропа шукае спосаб дапамагчы Украіне, то Вашынгтон, паводле словаў еўрапейскіх палітыкаў, хоча толькі цынічна зарабіць на сітуацыі.
Акрамя таго, ЕС баіцца, што прапанова ЗША яшчэ больш ускладніць перамовы з Бельгіяй, у якой знаходзіцца асноўная частка актываў. Менавіта Брусель пакуль блакуе еўрапейскі план, бо баіцца, што ў выпадку, калі санкцыі супраць Расіі будуць скасаваныя, то Бельгію прымусяць саму пакрываць страты.
Паводле плану ЕС, Украіна павінна атрымаць крэдыт прыкладна на 140 мільярдаў еўра, забяспечаны працэнтамі ад замарожаных актываў, але не самімі актывамі. Бельгія ж асцерагаецца рызыкаў для сябе і пакуль адмаўляецца даваць зялёнае святло.
28 пунктаў «мірнага плана» ЗША — поўны спіс
З пачатку поўнамаштабнай вайны Еўрасаюз заплаціў Расіі на 124 мільярды еўра больш, чым выдзеліў на падтрымку Украіны
Кіраўніца Euroclear: Калі ЕС вырашыць канфіскаваць расійскія актывы, мы звернемся ў суд
Бельгія заблакавала наданне Украіне €140 мільярдаў рэпарацыйнага крэдыту за кошт актываў РФ
Краіны ЕС не здолелі дамовіцца пра выкарыстанне замарожаных рэзерваў Расіі для дапамогі Украіне
Цяпер чытаюць
Стаў вядомы прысуд экс-памочніку Лукашэнкі Ігару Брыло4
Каментары