Расіяне ў Гомелі захацелі ўчыніць міжнародны скандал. Што за таямнічая лялька была на помніку Ракасоўскаму
Адразу пасля адкрыцця помніка Ракасоўскаму ў Гомелі на пастаменце з'явілася маленькая лялька чалавека ў касцюме, заўважыў «Флагшток». На пазнейшых кадрах яе ўжо не было. Мясцовыя дзяржрэсурсы не акцэнтавалі ўвагу на дзіўнай ляльцы, і спачатку перформанс не быў зразумелы.
Але потым памочнік прэзідэнта РФ Уладзімір Мядзінскі, які прыязджаў у Гомель, ідэолаг «рускага свету», кіраўнік Расійскага ваенна-гістарычнага таварыства, якое і «падарыла» помнік, раскрыў на сваім канале сутнасць акцыі.
Мядзінскі апублікаваў ляльку буйным планам і напісаў:
«Нехта з творчай групы вырашыў тут жа сімвалічна нагадаць Ф. Мерцу аб ганебным канцы яго папярэдніка. У кожным жарце ёсць доля жарту».
Гаворка пра федэральнага канцлера Германіі Фрыдрыха Мерца. На фоне падтрымкі Украіны з боку ЕС і ў прыватнасці Германіі расійская прапаганда прадстаўляе сучасных нямецкіх чыноўнікаў як нашчадкаў нацыстаў.
Ляльку наўмысна падклалі, каб зрабіць фота на надпісе Adolf на пастаменце помніка.
Усё паказвае на тое, што правакацыю зладзіла дэлегацыя Мядзінскага, і гэта правакацыя магла быць спланаваная на самым высокім узроўні, піша выданне. Бо без тлумачэнняў Мядзінскага ніхто не распазнаў бы Мерца ў таямнічай ляльцы і не зразумеў бы той меседж, які прывёў Мядзінскі. Расіяне, відаць, не палічылі патрэбным паведаміць аб правакацыі гомельскім уладам.
Яшчэ адна праява «рускага свету», якую вырашылі не заўважаць мясцовыя дзяржрэсурсы, — вялікі банер з георгіеўскай стужкай, сімвалам расійскай ваеннай агрэсіі. Яго трымала група людзей, якая стаяла на супрацьлеглым баку вуліцы Савецкай.
Раней такую расцяжку не бачылі ў тутэйшых актывістаў НОД і іншых прыхільнікаў «рускага свету». Можна меркаваць, што банер таксама размясцілі расіяне, піша «Флагшток».
Цяпер чытаюць
«Адгукнуўся на 95% аб'яў — і ўсе адмовілі». Расіяніну не хочуць здаваць кватэру ў Гродне10
Каментары
Атрымліваецца лукашістскія рэсурсы вырашалі не распаўсюджваюць "рускі свет" праз сваі СМІ, а НН вырашала наадварот?