Згодна з інфармацыяй Нацыянальнага статыстычнага камітэта, у студзені—красавіку 2010 года валавы ўнутраны прадукт адносна аналагічнага леташняга перыяду павялічыўся на 6,1% да 43 трлн. 487,8 млрд. рублёў.
Паводле вынікаў студзеня—сакавіка 2010 года рост ВУП складаў 4%, у студзені—красавіку 2009 года — 0,2%.
Прагнозам сацыяльна‑эканамічнага развіцця краіны на 2010 год запланаваны прырост ВУП на 11—13%.
Аб’ём прамысловай вытворчасці ў студзені—красавіку павялічыўся на 6,1% (гадавы прагноз — рост на 10—12%), вытворчасць спажывецкіх тавараў — на 10,3% (рост на 14—15%). Пры гэтым выпуск харчовых тавараў павялічыўся на 11,3% (14—15%), нехарчовых — на 9,7% (рост на 14—15%).
Выпуск сельскагаспадарчай прадукцыі гаспадаркамі ўсіх катэгорый уласнасці за чатыры месяцы гэтага года павялічыўся на 5,4% (10—11%).
Аб’ём інвестыцый у асноўны капітал вырас на 0,2% (23—25%). Уведзена ў эксплуатацыю 1 млн. 520 тыс. кв. м жылля, ці на 1,6% больш, чым у студзені—красавіку 2009 года. У 2010 годзе ўсяго плануецца пабудаваць 6 млн. 960 тыс. кв. м жылля.
Перавозкі грузаў павялічыліся на 9,6%. Рознічны тавараабарот вырас на 14,1% (прагноз — 14—15%).
Колькасць беспрацоўных, зарэгістраваных у органах па працы, занятасці і сацыяльнай абароне, знізілася на 2% (да 43,1 тыс. чалавек) і склала 0,9% эканамічна актыўнага насельніцтва.
Індэкс спажывецкіх цэн па стане на канец красавіка ў параўнанні з канцом снежня мінулага года вырас на 3,1%, у красавіку адносна сакавіка — на 0,7%, за год — на 6,6%.
Цяпер чытаюць
Цягнік Пінск—Мінск спыніўся пад Дзяржынскам без ацяплення. Пасля прыбыцця ў сталіцу пасажыраў разабралі людзі з сацсетак і развезлі па хатах6
Каментары