Пастаўкі зброі Украіне падтрымліваюць 64% амерыканцаў, а за ўдзел у НАТА — 68%
Дональд Трамп перамог на прэзідэнцкіх выбарах 2024 года ў ЗША, абяцаючы скончыць вайну ва Украіне за адзін дзень, прычым нават да ўступлення на пасаду. Прайшло больш за год, за які Трамп і ягоная адміністрацыя паспелі спыніць пастаўкі зброі Украіне (замяніўшы іх продажамі) і распрацаваць мірнае пагадненне на аснове прынцыпаў, сфармуляваных Крамлём. За гэты ж час колькасць амерыканцаў, якія падтрымліваюць пастаўкі зброі Украіне, вырасла да 64%, паказала агульнанацыянальнае апытанне па пытаннях абароны, праведзенае Прэзідэнцкім фондам і Інстытутам Рональда Рэйгана, піша The Moscow Times.
Гэты паказчык падтрымкі ўзрос з 55% у 2023 годзе і 57% у лістападзе 2024 года. Колькасць тых, хто супраць, скарацілася да 26%.
Большасць амерыканцаў таксама падтрымлівае актыўную ролю ЗША ў свеце: 64% лічаць, што Вашынгтону трэба больш удзельнічаць у міжнародных справах і быць лідарам, супраць 33% тых, якія выступаюць за скарачэнне ўдзелу краіны.
Падтрымка НАТА сярод амерыканцаў таксама дасягнула рэкорду — 68%. Пры гэтым станоўча арганізацыйную дзейнасць ацэньваюць усе палітычныя групы: дэмакраты — 80%, рэспубліканцы і незалежныя — па 60%. У той жа час нядаўна апублікаваная новая нацыянальная стратэгія бяспекі ЗША прадугледжвае адмову ад пашырэння НАТА і скарачэнне ўдзелу ў яго дзейнасці.
Большасць амерыканцаў ацэньваюць Расію як ворага: 79% лічаць яе ворагам, толькі 17% — саюзнікам. Нават сярод MAGA-рэспубліканцаў суадносіны складаюць 74% супраць 21%. На працягу вайны ў Украіне гэтыя паказчыкі змяніліся нязначна: колькасць тых, хто за ворага, скарацілася з 82% у лістападзе 2022 года да 80% годам пазней, а тых, хто за саюзніка, было 14% у 2024 годзе.
Хто захоча стварыць сваю ядзерную зброю, калі амерыканцы здрадзяць Украіне
ЗША абяцаюць павялічыць пастаўкі зброі Украіне, але настойваюць на «самаабароне Еўропы» ўжо да 2027 года
«Новая версія дактрыны Манро ад Трампа». У чым сутнасць новай стратэгіі нацыянальнай бяспекі ЗША
«Зарабляйце, а не ваюйце». Трамп і Уіткаф вераць, што Пуцін можа пайсці на мір дзеля прыбыткаў. Або самі мараць аб зыску
Каментары
Прямо сейчас Шахеды гатят по Одессе…лютый борщ.