Беларусы ў 2025‑м яшчэ актыўней куплялі новыя машыны. Ці ўдалося пабіць абсалютны рэкорд і якія маркі ў топе?
Паглядзелі, як рынак новых аўто перажыў 2025 год і якія машыны часцей за ўсё купляюць беларусы ў салонах.
«Наша Ніва» падлічыла гадавыя лічбы на падставе штомесячных справаздач Беларускай аўтамабільнай асацыяцыі (БАА). Яны змяшчаюць звесткі за ўвесь 2025 год за выключэннем лістапада.
Так, за 9 месяцаў мінулага года афіцыйныя дылеры прадалі 37,1 тысячы новых аўтамабіляў. У кастрычніку рэалізавалі 5000, а ў снежні — 5700 аўто. Абапіраючыся на гэтыя звесткі і лічбы за мінулы год, можна меркаваць, што ў лістападзе продажы таксама былі ў раёне 5000 новых легкавых аўто за месяц.
Атрымліваецца, што за ўвесь 2025 год афіцыйныя дылеры прадалі каля 53 000 новых легкавікоў.
Для параўнання: за 2024 год у Беларусі афіцыйнымі дылерамі было прададзена 49 636 новых легкавікоў. Такім чынам, гадавы прырост летась склаў каля 7%.
Калі дадаць да 53 тысяч новых легкавікоў 6,7% на лёгкі камерцыйны транспарт (такі адсотак быў летась), то агулам афіцыйныя дылеры мінулага года прадалі каля 56 500 новых аўто разам з лёгкім камерцыйным транспартам. У 2024‑м было 53 178 штук.
З гэтага вынікае, што лепш, чым летась, беларускія афіцыйныя дылеры адчувалі сябе толькі ў рэкордным 2019 годзе, калі ў Беларусі было прададзена 64 504 новыя аўто з улікам лёгкага камерцыйнага транспарту.
Агулам топ продажаў новых аўто афіцыяльнымі дылерамі па гадах выглядае так:
1‑е месца — 2019 год
2‑е месца — 2025 год
3‑е месца — 2024 год.
Найгоршым быў 2022 год, калі праз санкцыі і зыход сусветных аўтавытворцаў з Расіі продажы ў афіцыйных дылераў упалі з 46 837 у 2021‑м да 17 234 аўто ў 2022-м.
Якія аўто карыстаюцца найбольшым попытам?
Больш за палова продажаў — кітайска-беларускія Geely/Belgee. Самая папулярная мадэль у беларусаў — Belgee X50 (былы Geely Coolray), на яе прыходзіцца каля 40% продажаў аўто маркі Geely/Belgee. На другім месцы па папулярнасці ідзе расійская Lada.
«Засяроджуся на працы з ЗША». Ціханоўскі расказаў пра свае палітычныя планы на 2026 год22
Каментары