Грамадства88

Сямейную пару з Берасцейшчыны асудзілі на шалёныя тэрміны за дапамогу Украіне

Дзмітрыя і Вольгу Капузаў асудзілі на 24 і 21 год пазбаўлення волі адпаведна. Таксама пару ўнеслі ў «спіс тэрарыстаў». Дзмітрыя і Вольгу абвінавачвалі ў «тэрарызме» і «незаконных дзеяннях з боепрыпасамі», піша «Вясна».

36‑гадовых Дзмітрыя і Вольгу Капузаў затрымалі 16 студзеня 2024 года. Муж з жонкай родам з Драгічынскага раёна, жылі каля беларуска-ўкраінскай мяжы.

Па затрыманні на дзяржтэлебачанні выйшаў прапагандысцкі ролік «Зачистка. Борьба с диверсантами и агентами спецслужб Украины в Беларуси», у якім абаіх абвінавачвалі ў кантрабандзе з Украіны.

Тады агулам затрымалі групу з 12 асоб. Паводле версіі прапагандыстаў, пара працавала на спецслужбы Украіны. Сцвярджалася, што жыхары Драгічынскага раёна дапамагалі Службе бяспекі Украіны — забіралі выбухоўку і рабілі схованкі на тэрыторыі Беларусі

У прапагандысцкім відэа паказалі, як Дзмітрыю пры затрыманні прастрэлілі сцягно. А пазней — як ён перасоўваецца на мыліцах. Брата Дзмітрыя адразу па затрыманні супрацоўнікі КДБ збівалі па галаве.

Сямейную пару абвінавачвалі ў «акце тэрарызму» (арт. 289 КК РБ) і паводле ч. 4 арт. 295 КК РБ (незаконныя дзеянні ў дачыненні да агнястрэльнай зброі, боепрыпасаў і выбуховых рэчываў).

Дзмітрыю прызначылі 24 гады, Вользе — 21 год калоніі. Таксама ім прызначылі вялізныя штрафы. Сутнасць абвінавачвання невядомая. Суд праходзіў у закрытым рэжыме.

Летам 2025 года Дзмітрыя і Вольгу ўнеслі ў «спіс тэрарыстаў».

Каментары8

  • Зь іншага боку
    13.01.2026
    А ў сьпіс палітычных зьняволеных іх унесьлі?
  • Ну-ну
    13.01.2026
    Гэта так лукашонка «аддаляецца ад расеі», зараз яму з хвіліны на хвіліну дапаможа ў гэтым ляпідарны геній Трамп. І, вядома, «санкцыі скасаваць» (ён жа аддаляецца), гэта сьвятое.
  • Ёсік
    13.01.2026
    Тым украінцам, якія сюды заходзяць зьнявагі пісаць аб беларусах. Лукашэнка ды ягонае атачэньне даўно працуюць на расею, у тым годзе яму пуцін ланцуг павесіў на шыю, якім узнагароджваюць за вялікія заслугі перад расеяй. Кіраўнік незалежнай краіны працуе на расею? Нейкі чорны гумар, ці сьвет перакуліўся. Дапамога ўкраінцам каштуе амаль чвэрць стагоддзя зьняволеньня, дапамога забойцам - медалі, пашана (унутры табара), вялікія грошы. Што ж ты, лукашэнка, нарабіў? Табе тронкі ад рыдлёўкі не толькі ў дупу, але і ў тваё ненаеднае горла ўсунуць.

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку13

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

Еўракамісія прапанавала выдаць Украіне 45 мільярдаў еўра пад агульны доўг краін ЕС2

Удары па расійскіх НПЗ пагрузілі краіну ў найгоршы паліўны крызіс з часоў распаду Савецкага Саюза7

У Польшчы будуць судзіць жанчыну, якая збіла ўкраінскіх дзяцей і ўхваляла расійскую агрэсію4

У Расіі доктар памылкова прызнаў пацыентку памерлай. А потым забіў яе ў моргу, каб схаваць памылку8

Егіпецкі самалёт двойчы за ноч сядаў у Мінску па дарозе ў Маскву

У Брэсцкім універсітэце правялі паказальны суд за «абразу Лукашэнкі»5

«Выгуляю сабаку за 5 еўра». Як айцішнік выжывае ў Іспаніі — у Польшчы яго звольнілі за тое, што пераехаў7

У Гданьску беларус сказаў паліцэйскім, што ўдзельнічае ў конкурсе па пошуку схаваных наркотыкаў2

У Польшчы арыштавалі прадстаўнікоў незвычайнага бізнэсу. Яны за плату на пэўны час пераводзілі грошы кліентам, якім патрэбныя былі польскія ДНЖ4

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку13

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць