Пад Гроднам няўдалая спроба зрабіць фота на гістарычным аб'екце скончылася для расійскага турыста шпіталізацыяй.
62‑гадовы мужчына прыехаў у Беларусь разам з жонкай, але наведаць адзін з фартоў па дарозе на Аўгустоўскі канал вырашыў самастойна, паведамляе Гродзенскі РАУС.
Падчас фатаграфавання мужчына страціў раўнавагу, зваліўся з вышыні на бетонныя блокі і ўдарыўся галавой аб бетон. Ад удару ён на нейкі час страціў прытомнасць.
Апрытомнеўшы, ён змог выбрацца да дарогі, дзе спыніў аўтамабіль і папрасіў кіроўцу выклікаць дапамогу.
У мужчыны дыягнаставалі закрытую чэрапна-мазгавую траўму, удар галаўнога мозгу і шматлікія пашкоджанні цела.
Хто з беларусаў трапіў на прыём да прэзідэнта Польшчы ШМАТ ФОТА10
Каментары