Міністарка бізнэсу і энергетыкі Грэнландыі Наая Натаніельсэн звярнулася да ўрада Вялікабрытаніі з заклікам заняць «прынцыповую пазіцыю» і папрасіла дапамогі ад выпадаў прэзідэнта ЗША Дональда Трампа, піша Politico.
«Сёння неабходны дыялог — сапраўдны, глыбокі. Нягледзячы на складаныя праблемы ў свеце, гэта не падстава адмаўляцца ад размовы. Складаныя пытанні можна вырашаць шляхам дыялогу, а не гвалтам ці сілай».
Зварот Натаніельсэн да Лондана прагучаў на фоне папярэджання Даніі пра тое, што агрэсія ЗША можа разбурыць вайсковы альянс НАТА.
Адказваючы на пытанне, з якім пасланнем яна звяртаецца да брытанскіх палітыкаў і прэм’ер-міністра Кіра Стармера, яна зноў падкрэсліла важнасць дыялогу.
«Намагаць на дыялогу, нават калі гэта складана. Мець мужнасць бараніць прынцыпы і веру ў міжнароднае права. Думаю, у найбліжэйшыя гады гэтае пытанне паўстане перад усімі намі».
Музыка Цім Суладзэ: Розніца 30 гадоў — тое, што адпавядае маім уяўленням пра адносіны41
Каментары