Абвешчаны шорт-ліст літаратурнай прэміі «Гліняны Вялес»: ніводнай кнігі з Беларусі
Сталі вядомыя фіналісты адной з найстарэйшых незалежных літаратурных узнагарод Беларусі. У шорт-ліст прэміі Таварыства вольных літаратараў па выніках 2025 года ўвайшлі дзевяць кніг, якія ахопліваюць амаль усе жанры — ад раманаў і п'ес да эксперыментальнай паэзіі. Адметнай рысай сёлетняга адбору стала тое, што ўсе кнігі-прэтэндэнты пабачылі свет за межамі краіны.
Старшыня аргкамітэта прэміі, пісьменнік Алесь Аркуш, як паведамляе выданне Reform.news, адзначыў, што сёлета спіс фіналістаў ахапіў практычна ўсе асноўныя літаратурныя жанры: тут ёсць два раманы, зборнік апавяданняў, кніга п'ес, рэпарцёрская і эсэістычная проза, а таксама тры паэтычныя зборнікі.
Спіс фіналістаў:
- Зміцер Вішнёў — «Я — тое мяса, якое прыгатаваў Зміцер» (раман, Skaryna Press, Лондан).
- Аляксандр Карнаўх — «Халодныя землі» (раман, Gutenberg Publisher, Кракаў).
- Сяргей Кавалёў — «Камедыя Юдзіфі» (п’есы, Камунікат, Беласток).
- Ганна Кандрацюк — «Проста з любові. Рэпарцёрскія партрэты памяці» (рэпарцёрская проза, Цэнтр беларускай культуры ў Беластоку).
- Ванда Марцінш душ Рэйш — «Таямніцы высокага двара» (паэзія, двухмоўная кніга, Slinktys, Вільня).
- Уладзімір Сцяпан — «Ваўка» (апавяданні, Мяне няма, Варшава).
- Сяргей Сыс — «Пералёт трава» (эсэістыка/проза, Логвінаў, Вільня).
- Юля Цімафеева — «Рэжу гісторыю сабой» (Ich zerschneide die Geschichte) (паэзія і калажы, двухмоўны зборнік, Edition Frölich, Берлін).
- Макс Шчур — «Чайны збор» (постпаэзія, SayBeat, Варшава).
Алесь Аркуш звярнуў увагу на адметнасць гэтага года: усе кнігі шорт-ліста выдадзены выключна за мяжой. Больш за тое, упершыню сярод намінантаў ёсць выданні, выпушчаныя замежнымі, не беларускімі выдавецтвамі, як кнігі Ванды Марцінш душ Рэйш і Юліі Цімафеевай.
Прэмія «Гліняны Вялес» заснаваная ў 1993 годзе і ўручаецца за найлепшую мастацкую беларускамоўную кнігу года. Пераможца традыцыйна атрымлівае гліняны стод апекуна мастацтваў.
-
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў
-
І пра рэальных бандытаў, і пра крыварукага Косцю-плітачніка, і пра сэкс у цягніку. Журналістка з Гомеля напісала кнігу — чытаць яе страшна і смешна
-
Андрэй Федарэнка напісаў эсэ пра Янку Брыля, але яно больш чым проста пра Брыля ці літаратуру
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары