Прэзідэнт ЗША яшчэ не прыняў канчатковага рашэння.
Амерыканская армія гатовая нанесці ўдар па Іране ў гэтую суботу, 21 лютага. Пра гэта прэзідэнту ЗША Дональду Трампу паведамілі высокапастаўленыя чыноўнікі, адказныя за нацыянальную бяспеку, піша CBS News са спасылкай на дасведчаныя крыніцы.
Па словах суразмоўцаў тэлеканала, Трамп яшчэ не прыняў канчатковага рашэння, аднак у Белым доме ідуць «дынамічныя і бесперапынныя» абмеркаванні гэтага пытання. У прыватнасці, узважваюцца рызыкі эскалацыі, а таксама «палітычныя і ваенныя наступствы стрыманасці».
Адна з крыніц CBS звярнула ўвагу на тое, што Пентагон у апошнія дні часова пераводзіў частку ваеннага кантынгенту з Блізкага Усходу ў Еўропу і назад у ЗША. Па яго словах, звычайна такое адбываецца перад магчымай ваеннай аперацыяй, каб абараніць амерыканскіх ваенных у выпадку адказу Ірана.
Між тым прэс-сакратар Белага дома Кэралайн Левіт заявіла, што існуе «мноства прычын і аргументаў на карысць удару па Іране», аднак Трамп у першую чаргу разлічвае на дыпламатыю.
«Ірану было б вельмі разумна заключыць здзелку з прэзідэнтам Трампам і яго адміністрацыяй», — падкрэсліла Левіт.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары