Жыццё пісьменніка і рэдактара часопіса «Jazz-Квадрат» скончылася ў 60 гадоў.
Алесь Астраўцоў, паводле адукацыі інжынер, браў удзел у беларускім нацыянальным і дэмакратычным руху яшчэ з познесавецкіх часоў. Пасля заканчэння Беларускага палітэхнічнага інстытута нейкі час працаваў інжынерам на заводзе, а ў 1990‑я трапіў на працу ў Музей Максіма Багдановіча, які тады ўзначальваў цяперашні нобелеўскі лаўрэат Алесь Бяляцкі.
Таксама ён вядомы як шэф-рэдактар часопіса «Jazz-Квадрат», які выходзіў у Мінску ў папяровай версіі з 1997 да 2009 года (а потым з’явіўся і ў інтэрнэце). На працягу шэрагу гадоў часопіс быў адзіным рускамоўным часопісам джазавай тэматыкі.
Таксама Алесь Астраўцоў займаўся літаратурнай творчасцю. Найбольш вядомы ягоны твор — раман «Сула».
Сярод іншага ён пераклаў з польскай на беларускую мову знакаміты раман Сяргея Пясецкага «Запіскі афіцэра Чырвонай Арміі».
Апошнія гады Астраўцоў жыў у Лідзе. А сёння з ім развіталіся ў мінскім крэматорыі.
Цяпер чытаюць
Лукашэнка: Што творыцца ў краіне, у нас усе гэтую гусь круцяць5
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5656
Каментары