Інтэрнэт і СМІ22

Вядучы, які першым сышоў з тэлебачання: Невядомыя людзі падыходзяць проста на вуліцы і дзякуюць

Даведаліся, што цяпер з Арцемісам Ахпашам, які ў знак пратэсту супраць хлусні сышоў з тэлебачання яшчэ ў чэрвені.

АНТ

«З «такім» тэлебачаннем мне не па дарозе» — вядучы Арцеміс Ахпаш адным з першых разышоўся з дзяржаўнымі СМІ праз палітычную сітуацыю ў краіне. Яшчэ ў чэрвені ў сваім інстаграме ён апублікаваў допіс, у якім эмацыйна звярнуўся да калег, якія транслююць хлусню з экранаў. Пасля публікацыі тэлеканал АНТ, дзе апошнія гады Арцеміс вёў шоу «Удача ў прыдачу», разарваў з ім прафесійныя стасункі.

«Я ўсведамляў, чым гэты допіс для мяне абернецца: магчымасць працы на дзяржаўным тэлебачанні і радыё будзе для мяне закрытай. Шкада, таму што прафесію вядучага я любіў, люблю і буду любіць. Проста хочацца рабіць добрае тэлебачанне і мне, вядома, сумна, што я пазбавіўся магчымасці», — кажа Арцеміс.

Па словах Ахпаша, працы ў яго стала значна менш:

«Я працую у якасці вядучага мерапрыемстваў, але сёння масавых, вялікіх святаў не праводзіцца, не толькі праз каранавірус, але і праз эканамічнае становішча ў краіне. Мая асноўная дзейнасць цяпер — гэта дыктар агучвання. Я даўно агучваю рэкламу і прэзентацыйныя фільмы, то-бок служу закадравым голасам, і сёння гэта сціпла дапамагае мне трымацца на плаву. У цэлым я і мая сям’я — а я з’яўляюся ў ёй кармільцам, бо жонка ў асноўным займаецца сынам, якому хутка споўніцца шэсць гадоў, — стаім перад вялікім і вельмі важным пытаннем, дзе мне працаваць далей».

Арцеміс кажа, што не шкадуе пра той пост, але зрабіў бы яго менш эмацыйным, бо некаторых калег ён пакрыўдзіў, хаця большасці з іх не тычыўся: усё ж зварот быў накіраваны тым, хто стварае і выдае лжывыя навіны.

У той жа час ён адчуў падтрымку калег: «Я разумею, што зрабіў той учынак не дарма, бо бачу, што ў вялізнай колькасці людзей падобныя думкі і погляды, у тым ліку сярод калег. Адразу пасля мяне некалькі з іх таксама выказаліся і сышлі з тэлебачання. Нават на вуліцы да мяне падыходзяць і дзякуюць проста невядомыя людзі. Такая рэакцыя вельмі прыемная».

На пытанне пра вяртанне ў эфір вядучы адказвае, што зможа вярнуцца, калі ў гледачоў з’явіцца жаданне ўключыць беларускае тэлебачанне.

Каментары2

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць