49‑гадовая жыхарка Быхава сем гадоў брала грошы з касы банка, дзе яна працавала, і не вяртала. Агульная сума шкоды склала больш за 81 тысячу рублёў.
Як паведамілі ў пракуратуры, жанчына працавала спецыялістам па рознічных банкаўскіх паслугах і была матэрыяльна адказнай асобай. З верасня 2018 года па чэрвень 2025‑га яна сістэматычна забірала з касы грошы, прызначаныя для разлікаў з кліентамі.
Паводле следства, сродкі ішлі на штодзённыя выдаткі: прадукты, камунальныя паслугі, паездкі на таксі, а таксама для дзяцей. Спачатку жанчына спрабавала вяртаць грошы, але калі сума перавысіла яе заробак, рабіць гэта стала немагчыма.
Доўгі час удавалася хаваць недастачу, у тым ліку таму, што яна ўваходзіла ў рэвізійную камісію банка. Акрамя таго, для маскіроўкі крадзяжоў праводзіліся фіктыўныя аперацыі з замежнай валютай.
Суд прызначыў ёй чатыры гады калоніі. Прысуд пакуль не ўступіў у законную сілу і можа быць абскарджаны.
Каментары
- он первый начал...