Амаль паўтары тысячы гектараў на Гомельшчыне больш не будуць лічыцца радыяцыйна небяспечнымі
Урад Беларусі прыняў рашэнне змяніць статус часткі зямель у Гомельскай вобласці, якія раней лічыліся радыяцыйна небяспечнымі пасля наступстваў Чарнобыльскай катастрофы. Гэта, як заяўляецца, зроблена для таго, каб вярнуць частку тэрыторый у гаспадарчае выкарыстанне, але з улікам кантролю бяспекі.
У прыватнасці, землі ў 10‑ці раёнах (Брагінскім, Веткаўскім, Жлобінскім, Калінкавіцкім, Кармянскім, Лельчыцкім, Лоеўскім, Мазырскім, Рэчыцкім і Чачэрскім) перасталі лічыцца зонай адчужэння. Гэта каля 940 гектараў — цяпер іх можна выкарыстоўваць для сельскай гаспадаркі або іншых патрэб.
Яшчэ каля 378,7 гектара не сталі цалкам «чыстымі», але іх статус змякчылі: з поўнай забароны яны перайшлі ў катэгорыю зямель з абмежаваным выкарыстаннем. Гэта значыць, што там можна весці гаспадарку, але з пэўнымі абмежаваннямі і пастаянным кантролем.
У суме ў гаспадарчы абарот вернуць 1318,8 гектара. Раней гэтыя тэрыторыі не выкарыстоўваліся з-за рызыкі радыяцыйнага забруджвання.
Улады падкрэсліваюць, што выкарыстанне гэтых зямель будзе строга кантралявацца. Гэта тычыцца і саміх участкаў, і прадукцыі, якая там будзе вырошчвацца або вырабляцца, каб яна адпавядала нормам бяспекі.
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні5
Каментары
Я чуў, што у Белгідрамета ёсць 41 метэастанцыя. На спецыяльна абсталяваных пляцоўках гэтых метэастанцый магчымыя заборы абразцоў вады і паветра, якія прапускаюцца праз фільтры. Вось гэтыя фільтры потым і аналізуюцца спецыялістамі па ізатопам.
Што тычыцца глебы, нетраў, то цяжкія, доўгажывучыя ізатопы ( прыкладам урана, плутонія), ляжаць, пакуль іх не чапаюць. Яны мігруюць толькі з разчынам. Таму ад месца, дзе ляжыць чарнобыльскі плутоній, ён можа пайсці з гадамі толькі трошкі ушыркі і углыб. Пакуль яго не чапаюць.
Уран Балотніцкага руднага поля небясьпекі не уяўляе, пакуль яго не здабываюць. Міграцыя пачнецца у працэсе і пасьля здабычы. Ад палігона з сотамі вышчалачвання ён можа мігрыраваць на 2-4 кіламетры. Ваду калодзежную браць будзе нельга на прыблізна такой адлегласці ад палігона.
Я чуў, што ёсць прынцыпова адрозныя ад абсталяваных пляцовак метэастанцый пункты дазіметрычнага кантролю. Там проста няма абсталявання, каб ганяць паветра і воду праз фільтры.
Ці не ў найбольш забруджаных месцах гэтыя пункты дазіметрычнага кантролю знаходзяцца?
Дзе убачыць мапу, на якой пазначаны абсталяваныя для фільтрацыі пляцоўкі метыястанцый і проста пункты дазіметрычнага кантролю?
Нешта вырошчваць у Лельчыцкім раёне, менавіта на плошчах Балотніцкага і Лельчыцкага рудных палёў, дзе знаходзяцца годныя для вышчалачвання дэпазіты урана, можа апынуцца памылковым рашэннем. Забалансавымі іх лічылі раней.
А што датычыцца анкалогіі, то тут патрэбна статыстыка. Можа высветліцца, што не чарнобыльскія ізатопы зараз даюць асноўны унёсак у анкалогію, а бензапірэн, прыкладам. АЗС, выхлапы дызеляў, курэнне, колькасць аўтамабілей у Мінску, хімічныя прадпрыемствы, дзе возяцца з каменна-вугальнымі смоламі, адставанне у часе з вакцынацыяй ад папіломавіруса...
Дзе узяць такую статыстыку у Беларусі, дзе шмат дзе патрабуецца "адміністратар баз дадзеных", якіх ані Расія, ані Беларусь ніколі не вырабляла?
Тут прыемней займацца ерундой, цягнучы дадзеныя з гэтых баз, там дзе яны ёсць, чым апынуцца "адміністратарам баз дадзеных" у медустанове, дзе...5 кампутараў не злучаных у лакальную сетку, альбо пускацца на хітрыкі, каб абыйсьці абарону вытворцы пры эксплуатацыі неліцэнзіяванага прадукта.
Калі ваш "первый" не можа адважыцца з'ездзіць у ЗША, то...ніколі не мець вам аніякай стытыстыкі.