У расійскім МЗС назвалі блакаванне беларускіх прапагандыстаў у ютубе «варварствам»
Прадстаўніца МЗС Расіі Марыя Захарава раскрытыкавала блакаванне беларускіх дзяржаўных СМІ на YouTube, назваўшы гэта «варварствам XXI стагоддзя».
Марыя Захарава ў сваім каментары сказала, што падобныя дзеянні спрабуюць апраўдаць барацьбой з недакладнай інфармацыяй, але, на яе думку, такія падыходы з’яўляюцца неабгрунтаванымі.
«Гэта варварства XXI стагоддзя, якое спрабуюць апраўдаць рознымі падставамі, напрыклад, барацьбой з недаставерным кантэнтам. А чаму з сябе не пачнуць», — пракаментавала прадстаўніца МЗС Расіі.
Таксама яна прапанавала беларускім СМІ пераходзіць на расійскія інтэрнэт-платформы, у прыватнасці на сэрвіс Max.
3 красавіка сэрвіс YouTube выдаліў каналы інфармацыйнага агенцтва БелТА, а таксама тэлеканалаў АНТ і СТБ, патлумачыўшы гэта дзеяннем санкцый. У беларускім МЗС заявілі, што гэта грубае парушэнне прынцыпаў ААН, а Міністэрства інфармацыі адзначыла, што пакідае за сабой права прыняць меры ў адказ.
Каментары
Что они нужны именно России для транслирования нужной России пропаганды.