Сайт анлайн-бібліятэкі «Камунікат» зазнаў магутную хакерскую атаку
«Хаця, трэба прызнаць, што атака знішчыла больш чым 25‑гадовую працу многіх людзей, але мы не здаемся», — напісаў Яраслаў Іванюк.
«Мінулай ноччу сайт Беларускай Інтэрнэт-Бібліятэкі Kamunikat.org не вытрымаў хакерскай атакі. На гэты момант сайт не працуе. Аднак весткі пра нашу смерць, так як і пра смерць беларускай культуры і мовы — як казаў класік — заўчасныя і крыху перабольшаныя.
Хаця, трэба прызнаць, што атака знішчыла больш чым 25‑гадовую працу многіх людзей, але мы не здаемся.
Ва ўмовах узмацнення рэпрэсій супраць беларускай культуры і мовы, Kamunikat.org быў не толькі бібліятэкай, але і інструментам абароны культурнай спадчыны, якая знаходзіцца пад пагрозай, а таксама платформай, якая падтрымлівае свабодны доступ да ведаў і незалежнай творчасці. Хакерская атака чарговы раз пацвердзіла, што Камунікат — гэта важны культурніцкі праект, які як соль у воку для спецслужбаў рэжыму Лукашэнкі. Будзем змагацца і адбудуем адзін з найважнейшых незалежных архіваў беларускай культуры! Не выключана аднак, што зойме гэта шмат часу», — напісаў кіраўнік праекта Яраслаў Іванюк у фэйсбуку.
Каментары
Тым больш толькі што ў снежні была падобная атака з выдаленнем публікацый:
https://nashaniva.com/384369
Я яшчэ пісаў "Добра, што рабілі бэкапы. І повад задумацца тым, хто пра іх забывае."
Самі і не задумаліся. Ну як так.
І ізноў не даяце спасылкі на крыніцу - фэйсбук Іванюка. Ці няма часу, ці лічыцца рэкламай?
Не магу зразумець гэты хаос.