«Газпром» заявіў аб наяўнасці тэхнічных магчымасцей пастаўляць газ еўрапейскім спажыўцам у абыход Беларусі.
Праблема неплацяжоў за пастаўкі расійскага газу ў Беларусь можа набыць хранічны характар, заявіў старшыня праўлення ААТ «Газпром» Аляксей Мілер, паведамляе РІА Новости.
«Можа быць, Беларусь і знойдзе магчымасць пагасіць доўг. Можа быць, нават за пастаўкі ў маі 23 чэрвеня будзе зроблены плацеж. Але нас непакоіць тое, што пытанне неплацяжоў за пастаўкі расійскага газу ў Беларусь можа набыць хранічны характар, і прычыны могуць быць эканамічныя», — сказаў Мілер.
21 чэрвеня «Газпром» можа скараціць на 85% пастаўкі газу ў Беларусь, калі яна не выплаціць 192 млн. долараў доўгу, які ўтварыўся ў выніку таго, што Мінск плаціць па цэнах 2009 года. Двухбаковыя перамовы, што прайшлі ў суботу, завяршыліся безвынікова. «Газпром» заявіў аб наяўнасці тэхнічных магчымасцей пастаўляць газ еўрапейскім спажыўцам у абыход Беларусі.
Беларускі бок лічыць, што «Газпром» вінен больш за 200 млн. долараў за транзіт, аднак, паводле заявы Масквы, не прадставіў адпаведных дакументаў.
Цяпер чытаюць
Адданага ябацьку, які абражаў Святлану Ціханоўскую ў Threads, кінулі за краты21
Адданага ябацьку, які абражаў Святлану Ціханоўскую ў Threads, кінулі за краты
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых66
Каментары