У Варнянскім касцёле адкрылі фрэску XVIII ст. Яна маляваная з канкрэтнага чалавека.
Гісторыкаў мастацтва ў Беларусі штогод цешаць новыя адкрыцці. У мястэчку Варняны, што на Астравеччыне, рамантуюць касцёл XVІІІ стагоддзя. У адной з закрыстыяў, пад слоем тынкоўкі, была знойдзеная фрэска.
Цяпер яна раскрылася яшчэ больш і стала добра бачная выява ксяндза. Роспіс зроблены ў класічнай тэхніцы фрэскі -- то бок адначасова з муроўкаю і тынкаваннем.
Постаць маладога паўнаватага чалавека надзіва рэалістычная. Праўдападобна, зробленая з натурыі прадстаўляе канкрэтную асобу. Фрэска створаная ў другой палове XVIII стагоддзя.
3 храмам звязаная першая згадка пра Варняны, калі ўладальніца маёнтка Марына Сангайлава ў 1462 г. ахвяравала на будаўніцтва касцёла Божага Цела і плябані. Цяперашні варнянскі касцёл Святога Юрыя быў пабудаваны ў 1767—1769 г. на месцы ранейшага паводле праекту дойліда А. Касакоўскага. Касцёл разбудоўваўся ў 1880 г. і 1909 г. А па апошняй вайне быў замкнуты і стаяў у запусценні. Яго вярнулі вернікам у 1990 г. Цяпер сярод іншых рэліквіяў тут будзе і гэты ацалелы твор мастацтва. Праўдападобна, што раней увесь касцёл быў шчодра распісаны, і нас тут яшчэ чакаюць цікавыя знаходкі.
Цяпер чытаюць
Як беларусы ў Вільні адзначылі Дзень Волі ШМАТ ФОТА3
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1010
Каментары