Спецыяльны пасланнік Трампа Джон Коўл плануе зноў наведаць Беларусь. Візіт пачнецца 14 верасня.
Пра гэта паведаміў вашынгтонскі карэспандэнт Радыё Свабодная Еўропа/ Радыё Свабода Алекс Раўфоглу са спасылкай на дзве інфармаваныя крыніцы.
У жніўні Джон Коўл у інтэрв'ю New York Times заявіў, што неўзабаве чакае вызвалення беларускіх палітвязняў. Потым было паведамлена пра магчымы візіт у сярэдзіне верасня.
Нагадаем, што ў выніку візітаў амерыканскай дэлегацыі і захадаў амерыканскай адміністрацыі былі вызваленыя больш за 470 чалавек. У тым ліку вызваляліся вялікія групы: 21 чэрвеня 2025 года — 14 палітвязняў, 11 верасня — 51 чалавек, 13 снежня — 123 чалавекі, 19 сакавіка 2026 года — 250 чалавек.
Зараз, паводле праваабаронцаў, у Беларусі 890 палітвязняў.
Каментары
Дык, што па тваёй логіцы людзям, якія ўжо сядзяць, далей сядзець у смярдзючай камеры? Бо для цябе людзі гэта не лёсы, а лічбы?