ДАІ паведамляе пра абмежаванне руху ў Мінску 1 і 3—4 ліпеня
1 ліпеня ў сувязі з правядзеннем генеральнай трэніроўкі напярэдадні ўрачыстага перапахавання астанкаў невядомых салдат у крыпце храма‑помніка ў гонар Усіх Святых у Мінску будзе закрыты рух усіх відаў транспарту
з 20.00 да 24.00 па вул. Каліноўскага ад пр. Незалежнасці да вул. Кедышкі, па вул. Усіхсвяцкай ад вул. Каліноўскага да МКАД.
Будуць арганізаваны маршруты аб’езду закрытых участкаў па сумежных вуліцах для грамадскага і іншага транспарту, паведамілі ва ўпраўленні ДАІ ГУУС Мінгарвыканкама.
У сувязі з правядзеннем шэсця ў Дзень Незалежнасці 3 ліпеня з 8.00 будзе абмежаваны рух транспарту на тэрыторыі, сумежнай з месцам правядзення мерапрыемства:
‑ пр. Незалежнасці ад вул. Камсамольскай да пр. Машэрава;
‑ вул. Леніна ад вул. Інтэрнацыянальнай да вул. Кірава;
‑ вул. Інтэрнацыянальнай ад вул. Леніна да вул. Я.Купалы;
‑ вул. Я.Купалы ад вул. Куйбышава да вул. Кірава;
‑ вул. Кірава ад вул. Я.Купалы да вул. Леніна;
‑ вул. К.Маркса ад вул. Я.Купалы да вул. Леніна;
‑ вул. Камуністычнай ад вул. Чырвонай да пр. Незалежнасці;
‑ вул. Кісялёва ад вул. Чырвонай да пр. Незалежнасці;
‑ вул. Фрунзэ і мясцовым праездзе ад пр. Незалежнасці да завулка Вайсковага;
‑ вул. Захарава і мясцовым праездзе ад пр. Незалежнасці да завулка Вайсковага.
З 17.00 3 ліпеня і да заканчэння гала‑канцэрта каля стэлы »Мінск — горад‑герой» (арыенціровачна 2.00 4 ліпеня) будзе абмежаваны рух транспарту па пр. Пераможцаў ад вул. Арлоўскай да пр. Незалежнасці, па пр. Машэрава ад вул. Даўмана да вул. Ціміразева.
Каментары