Турфірмы мусілі былі пакласьці справаздачы пра прыём замежных турыстаў у першым паўгодзьдзі. Некаторыя гэтага не зрабілі
Міністэрства спорту й турызму Беларусі бліжэйшымі двума тыднямі маніцца прыпыніць дзеяньне ліцэнзіяў 22 турыстычных фірмаў. Пра гэта паведаміў заступнік міністра спорту й турызму Беларусі Чэслаў Шульга.
Як паведамлялі раней, да 20 жніўня турфірмы мусілі былі пакласьці справаздачы пра прыём замежных турыстаў за першае паўгодзьдзе 2006 г. На 1 жніўня ў Беларусі дзейнічалі 474 турфірмы, што маюць ліцэнзіі на турапэратарскую дзейнасьць.
Паводле Шульгі, у сёлетнім годзе 67 турфірмаў не паклалі неабходных справаздачаў. 22 зь іх раней мелі загады зь міністэрства пра выяўленыя парушэньні ў іхняй дзейнасьці. Астатнія 45 дасталі загад ад Мінспорту. «Калі загадаў ня выканаюць, дык і гэтыя фірмы пазбавяцца ліцэнзіяў», – кажа Шульга.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?8
Каментары