Імя «героя СВА», што пракруціў у фарш 8‑месячную дачку, занеслі на вайсковы мемарыял
Прадпрымальнік з Растова Якаў Майбарода атрымаў 15 гадоў калоніі строгага рэжыму за жахлівае забойства сваёй малой дачкі, але адправіўся на вайну супраць Украіны і загінуў. Цяпер яго імя занеслі на помнік побач з імёнамі ўдзельнікаў Вялікай Айчыннай вайны.
Імя Майбароды на мемарыяле ў пасёлку Чарткова Растоўскай вобласці знайшоў канал «Пост». Помнік у памяць пра герояў Вялікай Айчыннай вайны і ўдзельнікаў так званай «СВА» ўрачыста адкрылі ў канцы верасня.
«Якаў на СВА загінуў, пры штурме. 3 красавіка 2025 года», — расказаў выданню яго дзядзька. Пахаванне «было звычайным», дадалі суседзі.
Паводле «Поста», у 2025 годзе Майбарода прайграў апеляцыю на прысуд. Касацыйную скаргу падаваць не стаў — вырашыў падпісаць вайсковы кантракт. На вайну ён адправіўся з калоніі.
Забойства васьмімесячнай дзяўчынкі адбылося ў 2024 годзе. У судзе Майбарода і яго жонка Анастасія перакладалі віну адно на аднаго.
Паводле Анастасіі, муж збіраўся разводзіцца. Яна прыгразіла спагнаць з яго аліменты, пасля чаго ён забіў дачку. Жанчына сцвярджала, што затым муж пагражаў забіць і яе. У выніку яна дапамагала яму пазбавіцца ад цела дзіцяці.
«Ён складаў кавалкі ў мясарубку, а я трымала пакет», — сказала Анастасія ў судзе.
Цела дзяўчынкі расчлянілі, парэшткі прапусцілі праз электрычную мясарубку і ў пакетах паклалі ў маразільнік.
Пасля гэтага Анастасія выклікала паліцыю і заявіла, што дачку выкралі невядомыя рабаўнікі. Паліцыянты абшукалі кватэру і адправілі змесціва маразільніка на экспертызу.
Якаў у судзе сцвярджаў, што не забіваў дзіця і ўвогуле не быў дома ў момант забойства. Аднак раней ён даваў іншыя паказанні: казаў, што выпадкова зачапіў дачку ўдарам нагі і дапамагаў расчляняць яе цела.
Суд прызначыў яму 15 гадоў калоніі строгага рэжыму, Анастасіі — 13 гадоў калоніі.
Як паведамляе «Пост», жанчына таксама прасілася на вайну — медыкам. Да арышту яна вучылася на апошнім курсе медыцынскага ўніверсітэта.
Цяпер чытаюць
Рэдкі выпадак: памілаваны беларускі палітвязень пайшоў на вайну супраць Украіны9
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары