У Гомелі праходзіць аперацыя дастаўкі жыхароў Алешак ва Украіну
Беларускі бок афіцыйна далучыўся да гуманітарнай аперацыі ў прыфрантавым горадзе Алешкі ля Херсона, піша БелТА.
На беларускую тэрыторыю ўжо прыбылі прадстаўнікі расійскага і ўкраінскага бакоў, якія ўдзельнічаюць у гуманітарнай аперацыі.
Украінская дэлегацыя на чале з упаўнаважаным Вярхоўнай рады па правах чалавека Дзмітрыем Лубінцом прыбыла ў пункт пропуску «Новая Гута» ў Гомельскім раёне.
Як паведамлялася раней, жыхароў акупаваных Расіяй Алешак, якія хочуць выехаць на падкантрольную Кіеву тэрыторыю, павінны даставіць праз Анапу і беларускі Гомель. Маршрут прапісаны ў пагадненні аб спыненні агню. Гомель і раён і раней неаднаразова выкарыстоўваўся для расійска-ўкраінскіх абменаў.
Дамоўленасць аб рэжыме цішыні была дасягнутая на мінулым тыдні пры пасярэдніцтве жонкі прэзідэнта ЗША Меланіі Трамп і Папы Льва XVI, які папрасіў аб гэтым падчас асабістых тэлефонных размоў з прэзідэнтамі Уладзімірам Зяленскім і Уладзімірам Пуціным.
Алешкі, акупаваныя расійскімі войскамі, знаходзяцца на левым беразе Дняпра, насупраць Херсона, які кантралюецца УСУ і размешчаны на правым беразе. Кіеў і Масква абвінавачваюць адзін аднаго ў абстрэлах горада і заяўляюць пра гуманітарную катастрофу. Дастаўляць прадукты харчавання яго жыхарам вельмі складана.
Паводле звестак валанцёраў, на восень 2026 года ў Алешках застаецца каля паўтары тысячы чалавек, у тым ліку прыкладна 40 дзяцей. Калі ўлічваць суседнія вёскі, колькасць жыхароў складае каля шасці тысяч чалавек, сярод якіх прыкладна 200 дзяцей.
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна44
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары