Грамадства

У Польшчы будуць судзіць банду, якая рабавала грузавікі. З 13‑ці падсудных пяцёра беларусы

У Польшчы завяршылі расследаванне справы аб серыі разбойных нападаў, у тым ліку на грузавікі, якія перавозілі цыгарэты. Перад судом стануць 13 чалавек, сярод якіх пяцёра грамадзян Беларусі. Ім ставяць у віну агулам 22 злачынствы, учыненыя ў 2024—2025 гадах. Сем абвінавачаных знаходзяцца пад арыштам, піша «Радыё Свабода».

Здымак ілюстрацыйны. Фота: Lookby.media

Як паведамілі Нацыянальная пракуратура Польшчы і Цэнтральнае следчае бюро паліцыі, злачынцы падчас нападаў апраналі форму з эмблемамі паліцыі. Гэта дазваляла ім заспець ахвяр знянацку: кіроўцы не адразу разумелі, што маюць справу з рабаўнікамі. Пасля гэтага нападнікі збівалі людзей і пазбаўлялі іх свабоды. Каб ускладніць выяўленне аўтамабіляў, якімі карысталіся бандыты, непасрэдна перад нападамі яны ставілі на іх падробленыя нумарныя знакі.

Злачынную групу цікавілі не толькі цыгарэты, але і іншыя нелегальныя тавары. Нападнікі разлічвалі на тое, што пацярпелыя не будуць звяртацца ў паліцыю, бо самі перавозілі незаконны груз і ў выпадку звароту маглі б таксама трапіць пад суд.

Пералом у расследаванні наступіў у маі 2025 года, калі пасля шэрагу нераскрытых нападаў паліцыя затрымала сем чалавек — двух грамадзян Польшчы і пяцярых беларусаў. Затрыманні адбыліся пераважна ў Варшаве і вёсцы Вялішаў Мазавецкага ваяводства. Падчас ператрусаў у падазраваных знайшлі значны арсенал зброі: каротка– і даўгаствольную агнястрэльную зброю, больш за 1200 патронаў розных калібраў, светлашумавыя і дымавыя гранаты, 2,4 кілаграма выбуховых рэчываў і розныя прылады.

Далейшае расследаванне, ператрусы і допыты дапамаглі выйсці на іншых удзельнікаў банды. У Іспаніі затрымалі яшчэ двух грамадзян Польшчы, у тым ліку меркаванага кіраўніка групоўкі. На падставе еўрапейскіх ордараў на арышт іх даставілі ў Польшчу.

Паводле інфармацыі газеты Rzeczpospolita, затрыманыя беларусы жылі ў Польшчы. У аднаго з іх у межах крымінальнай справы забралі пашпарт. Афіцыйна ён не працуе, яшчэ адзін затрыманы заняты ў гандлі.

Гэта не першая вядомая гісторыя нападаў на грузавікі з удзелам беларусаў. У кастрычніку 2019 года ў Германіі паліцыя затрымала пяцярых грамадзян Беларусі, усе яны былі з Оршы. Іх групоўка на працягу некалькіх гадоў здзейсніла больш за 60 нападаў на фуры, пераважна ў раёне Гановера. Банда, якой, паводле паведамленняў СМІ, кіраваў аршанскі крымінальны аўтарытэт, жыла ў Оршы, але рэгулярна выязджала за мяжу для здзяйснення злачынстваў.

У супрацоўніцтве з Еўрапалам следчыя высветлілі, што групоўка дзейнічала не толькі ў Германіі, але і ў Францыі. У яе распараджэнні былі некалькі грузавікоў і легкавых аўтамабіляў, якія дазвалялі перагружаць скрадзеныя тавары і ўцякаць ад паліцыі. Для сувязі і начных аперацый злачынцы выкарыстоўвалі рацыі і цеплавізары.

Як паведамляў тэлеканал АНТ, банду выкрылі выпадкова — падчас расследавання іншага злачынства. Меркаваны кіраўнік групоўкі, вядомы ў Оршы і Беларусі яшчэ з 1990‑х гадоў, нібыта параніў падчас сваркі былога ўдзельніка банды. Паліцыя пачала разбірацца ў абставінах і ў выніку знайшла грузавік злачынцаў, у якім знаходзіліся скрадзеныя тэлевізары. Пра прысуды ўдзельнікам той групоўкі СМІ не паведамлялі.

У 2024 годзе МУС Беларусі паведаміла пра затрыманне ўдзельнікаў яшчэ адной банды, якая нападала на грузавікі, але ўжо на тэрыторыі Беларусі. Яе ўдзельнікамі таксама былі жыхары Оршы ва ўзросце ад 34 да 51 года. Нарабаваныя тавары яны збывалі пераважна ў суседняй Расіі.

Каментары

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка6

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю82

Трамп назваў самага ўплывовага чалавека ў свеце3

Асабістая доктарка Лукашэнкі купіла дом за 200 метраў ад плота яго рэзідэнцыі17

Зяленскі заявіў, што Крымскі мост «усё роўна не вытрымае»4

У Лунінцы з'явіўся вагон-рэстаран, дзеля якога туды едуць з іншых гарадоў6

З Мінска і Пінска на ўвесь свет: як сям’я Бэнэнсанаў-Саламон змяніла бізнес, дабрачыннасць і праваабарончы рух

«Мы будзем памятаць яе маладой» і «Гэта ж Дзмітры Рабаў!» Што яшчэ людзі пішуць пра новую версію «Быхаўскай мадонны»?10

Акцёра Дэпардзьё і пісьменніка Уэльбека абвінавачвае ў сэксуальным гвалце акцёрка з фільма «Спа»3

Падчас смяротнага пакарання ў Тэхасе, якое доўжылася больш за гадзіну, асуджаны крычаў ад болю6

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка6

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць