Але фестываль можа прайсці ў іншым месцы.
Але фестываль можа прайсці ў іншым месцы.
Арганізатары фэсту атрымалі адказ ад украінскіх чыноўнікаў. У лісце за подпісам намесніка мэра Чарнігава адмова тлумачыцца тым, што выбранае для правядзення фестывалю месца на беразе Дзісны з’яўляецца ландшафта-рэакцыйнай зонай агульнагарадскога значэння. І выкарыстанне гэтай тэрыторыі пад фэст
можа прывесці да нанясення шкоды ці знішчэння асобных відаў раслінаў.
У дадатак у лісце ідзе гаворка пра тое, што арганізатарам патрэбна правесці даследаванне акваторыі ракі, арганізаваць выратавальны пост, узгадніць усе пытанні з мясцовым аддзелам МНС і саніпідэмстанцыяй.
Віталь Супрановіч кажа, што калі мэрыя адмовіла ў правядзенні фэсту, то абавязкова адмовяць і пералічаныя службы. Таму няма сэнсу да іх звяртацца.
Але сп. Супрановіч кажа, што ўсё-ткі фэст можа адбыцца сёлета.
Цяпер вядуцца перамовы з іншымі ўкраінскімі гарадамі. І калі хутка атрымаецца вырашыць усе арганізацыйныя пытанні, то Be Free пройдзе. Сп. Супрановіч не выключае, што перанесці давядзецца і на месяц. А пакуль арганізатары яшчэ вырашаюць як рэагаваць на атрыманую адмову. Магчыма, будзе пададзена скарга.
Нагадаем, што ў пачатку тыдня арганізатары заявілі аб адмене сёлетняга фэсту. Прычына была ў тым, што чарнігаўская мэрыя адмаўлялася даць які-небудзь адказ на іх запыт.
Рок фестываль Be Free узнік у 2007 годзе пад назвай «Права быць свабодным». У папярэднія гады ён праходзіў на захадзе Украіны — у гарадах Луцк і Львоў. Летась ён адбыўся ў Чарнігаве, дзе вырашылі праводзіць яго і надалей. Удзел у ім прымалі «Ляпіс Трубецкі», «Воплі Відаплясава», «Крама», B:N, ZATOCZKA, Pomidor/OFF, Znich, Vladivostok і іншыя. Сёлета ён павінен быў прайсці 21-23 жніўня.
Цяпер чытаюць
62‑гадовая бізнэсвумэн і мільянерка Ірына Цярэшчанка падзялілася гісторыяй свайго кахання з мужчынам, на 20 гадоў малодшым за яе9
Каментары