Кнігу паэта Міхася Башуру, які цяпер знаходзіцца за кратамі, рыхтуе да друку выдавецтва «Галіяфы». У зборнік, які атрымаў назву «Думкі — гэта не гульня», увайдуць старыя вершы, а таксама новыя творы, што друкаваліся ў ЖЖ. Дызайн вокладкі зрабіў сябра Башуры беларускі паэт Павел Лоскутаў, які цяпер жыве ў Маскве.
— Мы вырашылі падтрымаць Міхася як сябра і творчага чалавека, — кажа Зміцер Вішнёў, паэт і выдавец. — Вестка пра выданне гэтай кнігі была для Міхася сюрпрызам: ён даведаўся пра яе толькі праз адваката.
«Галіяфы» плануюць выдаць кнігу цягам двух тыдняў, і адразу ж прэзентаваць яе шырокай публіцы. Для прэзентацыі зроблены адмысловыя майкі.
Нагадаем, на Міхася Брашуру, актывіста кампаніі «Гавары праўду!», Мінгарсуд завёў крымінальную справу за падробку дакументаў. Паэт і выдавец знаходзіцца за кратамі з 6 жніўня.
«Калі мне прыляціць, я гатовая». Наста Рагатко — пра сэкс-сцэну ў сваёй кнізе, прарасійскіх сваякоў, Гаюн і Матольку32
Каментары