Навучанне беларускай народнай вышыўцы.
Майстар народнай творчасці Галіна Рудніцкая праводзіць чарговы набор на курсы беларускай народнай вышыўкі групы першага і другога года навучання.
Заняткі будуць ладзіцца ў памяшканні Мінскага абласнога цэнтра народнай творчасці (вул. Гікалы, 4), у двух кроках ад ст.м. «Плошча Я.Коласа».
Праграма курсаў разлічаная на 2 навучальныя гады (з кастрычніка па май). У першы год вывучаюцца больш распаўсюджаныя тэхнікі вышыўкі, у другі — больш рэдкія і складаныя.
Пры ахвоце падчас заняткаў можна атрымаць падрабязныя кансультацыі па шыцці і аздабленні беларускай традыцыйнай кашулі (як мужчынскай, так і жаночай), а таксама дапамогу пры падрыхтоўцы да ўступлення ў Беларускі саюз майстроў народнай творчасці.
У праграму курсаў уваходзіць навучанне наступным тэхнікам беларускай народнай вышыўкі:
1 год навучання: 1. Аздобныя швы 2. Набор (процяг, нацяг) 3. Роспіс 4. Лікавая гладзь 5. Крыжык 6. Мярэжкі 7. Краявыя швы
2 год навучання: 8. Злучальныя швы 9. Ажурнае шыццё па сетцы (сакаленне) 11. Маршчэнне 11. Вышыўка па зборках 12. Веткаўская вышыўка «белым па беламу» (спалучэнне вышыўкі лікавай гладдзю і шыцця па сетцы)
Дні правядзення заняткаў — панядзелак, аўторак, серада. Час вызначаецца дакладна на арганізацыйным сходзе па дамоўленасці навучэнцаў. Набіраюцца ранішняя, дзённая і вячэрняя групы. Колькасць навучэнцаў у групе ад 5 да 8 чалавек. Заняткі ладзяцца 1 раз на тыдзень, працягласць — 2 гадзіны 15 хвілін (3 акадэмічныя гадзіны). Аплата — 40 тыс. руб. у месяц. Пачатак заняткаў з 1 кастрычніка.
Кантактная інфармацыя:
Тэл.: +375 29 1711390 begin_of_the_skype_highlighting +375 29 1711390 end_of_the_skype_highlighting
E-mail: [email protected]
Цяпер чытаюць
Ціханоўская едзе ў Нью-Ёрк. Яна можа перасекчыся з прадстаўнікамі Лукашэнкі, але галоўную інтрыгу пакуль не раскрываюць21
Каментары