Такую думку выказаў генсек еўрапейскага аддзялення Міжнароднай федэрацыі баскетбола Нар Заналін.
Такую думку выказаў генсек еўрапейскага аддзялення Міжнароднай федэрацыі баскетбола Нар Заналін.
Беларускім баскетбалісткам могуць не дазволіць гуляць у сукенках на чэмпіянаце Еўропы-2011, які пройдзе ў Польшчы. Такую думку выказаў генеральны сакратар еўрапейскага аддзялення Міжнароднай федэрацыі баскетбола Нар Заналін, паведамляе БЕЛТА. Генсек
ФІБА-Еўропа знаходзіцца з візітам у Беларусі. Чыноўнік выказаўся, што сама ідэя беларускіх баскетбалістак гуляць у сукенках яму не вельмі спадабалася і ён не думае, што беларускі будуць выступаць у сукенках на чэмпіянаце Еўропы. Хоць ён і не выключае, што ў плане папулярызацыі баскетбола ідэя добрая.
Нар Заналін не пракаментаваў заўвагу пра прадузятае судзейства ў паўфінальным матчы чэмпіянату свету Беларусь — Чэхія, заявіўшы, што не бачыў той гульні на свае вочы. Пры гэтым ён папрабаваў апраўдаць арбітраў, маўляў, яны таксама людзі.
Нагадаем, што беларускія баскетбалісткі першыя ў свеце вырашылі выступіць на чэмпіянаце свету ў спадніцах. Унікальную форму для беларускіх дзяўчат распрацавала літоўская кампанія Tuta, даўні партнёр жаночай зборнай Беларусі па баскетболе. Гэта не першы экстравагантны ўчынак нашай зборнай — летась дзяўчаты зняліся аголенымі для календара.
На першынстве свету, якое сёлета праходзіла ў Чэхіі, беларуская зборная заняла 4-е месца, саступіўшы ў барацьбе за бронзу іспанкам.
Чэмпіёнкамі свету сталі спартсменкі з ЗША, якія ў фінале адолелі чэшак. Па выніках чэмпіянату свету наша Алена Леўчанка трапіла ў сімвалічную пяцёрку мацнейшых баскетбалістак свету.
Па вяртанні з Чэхіі дзяўчат і трэнерскі штаб сустракалі ў аэрапорце з аркестрам і кветкамі.
Каментары