Кіраўнік Мінфіна Германіі раскрытыкаваў «бездапаможную» валютную палітыку ЗША
Міністр фінансаў Германіі Вольфганг Шойбле рэзка раскрытыкаваў валютную палітыку ЗША.
«Пры ўсёй павазе, у мяне складаецца ўражанне, што Злучаныя Штаты Амерыкі бездапаможныя», — заявіў ён у пятніцу ў Берліне на мерапрыемстве «
Міністр асудзіў рашэнне Федэральнай рэзервовай сістэмы ЗША выкінуць на валютны рынак дадатковую партыю ліквіднасці на суму ў 600 млрд даляраў.
«Такі крок не вырашыць праблемы», — указаў галоўны фінансіст ФРГ. Па яго словах, Нямеччына зацікаўленая ў тым, каб ЗША вырашылі свае праблемы. «Тут мы садзейнічаем, наколькі можам гэта зрабіць, аднак не настолькі, каб згаджацца з няправільнымі рашэннямі», — сказаў Шойбле.
Амерыканскія праблемы «ні ў якім разе не звязаныя з недахопам ліквіднасці», перакананы ён. Паводле ацэнкі міністра, «ЗША з дапамогай іншых сродкаў робяць тое, у чым папракаюць Кітай». Пры гэтым «інструменты адрозніваюцца, а мэты пераследуюцца аднолькавыя», заўважыў міністр фінансаў.
Цяпер чытаюць
У турме памёр былы супрацоўнік КДБ Мікалай Варапай, асуджаны за шпіянаж на карысць Украіны2
Каментары