9 лістапада стала вядома пра затрыманьне яшчэ аднаго маладога чалавека ў справе аб нападзе на амбасаду Расеі, нападзе на ізалятар на Акрэсьціна ды іншых здарэньнях.
Паводле праваабаронцы Насты Лойкі, учора быў затрыманы жыхар Менска Максім Веткін. Як і іншых падазроных у справе аб нападзе на амбасаду Расеі, Максіма Веткіна затрымлівалі раніцай міліцыянты ў чорных масках. Маладога чалавека трымаюць у ізалятары на вуліцы Валадарскага, яму нібыта ўжо выстаўлена абвінавачаньне ў хуліганстве.
Ужо больш за 2 месяцы ў ізалятары на Валадарскага трымаюць таксама актывістаў анархісцкага руху Міколу Дзядка і Аляксандра Францкевіча, якіх таксама абвінавачваюць у датычнасьці да нападаў.
У прэс-службе менскай міліцыі зьвесткі пра затрыманьне Максіма Веткіна не камэнтуюць.
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая90
Каментары