16 лістапада, у гэты чацьвер, у Вільні адзначацьмуць 100-годзьдзе «Нашае Нівы». У Віленскім пэдагагічным унівэрсытэце распачнуцца акадэмічныя чытаньні, прысьвечаныя юбілею газэты, з удзелам беларускіх, літоўскіх і польскіх навукоўцаў. А а 18-й у Эўрапейскім гуманітарным унівэрсытэце пачнецца вялікая вечарына. Сьпявае Марыя Крупавец, фотавыстава Дзяніса Раманюка...
16 лістапада, у гэты чацьвер, у Вільні адзначацьмуць 100-годзьдзе «Нашае Нівы». У Віленскім пэдагагічным унівэрсытэце распачнуцца акадэмічныя чытаньні, прысьвечаныя юбілею газэты, з удзелам беларускіх, літоўскіх і польскіх навукоўцаў.
А студэнты ЭГУ запрасілі да сябе цяперашнюю рэдакцыю газэты на госьці. У памешканьні ўнівэрсытэту адбудзецца сапраўдны фэст. У праграме фэсту: адкрыцьцё выставы сталага аўтара «НН» фатографа і графіка Дзяніса Раманюка, студэнцкая літаратурна-мастацкая кампазыцыя, прысьвечаная мінуўшчыне і цяпершчыне «НН», мэга слайд-шоў нашаніўскага фатографа Андрэя Лянкевіча, канцэрт этнамузыколяга і сьпявачкі Марылі Крупавец, прэзэнтацыя сайту «Нашае Нівы» і жывая гутарка з рэдакцыйнай калегіяй «Нашай Нівы», а таксама сюрпрызы...
Павіншаваць зь юбілеем «НН» прыйдуць літоўскія і беларускія калегі, журналісты і навукоўцы, пісьменьнікі і артысты.
Гэтымі днямі кветкі ўскладзеныя да ўсіх гістарычных адрэсаў «Нашае Нівы» і на магілы яе пачынальнікаў на старадаўніх могілках Росы.
А 23 лістапада Вільня перадасьць эстафэту Менску, дзе адбудзецца ўрачысты сход з нагоды 100-годзьдзя "Нашай Нівы". У той самы дзень іншая суполка віленскіх беларусаў у памяшканьні Саюзу пісьменьнікаў Літвы ладзіць сьвяточную вечарыну (а 17-й гадзіне, вуліца Сырвіда, 6, а 17-й гадзіне). 30 лістапада сьвята пераедзе ў Бялынічы й Магілёў.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?14
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары