Пры абмене пасведчанняў кіроўцы людзі вымушаныя плаціць дадатковыя 15 тысяч рублёў за афармленне адной старонкі з шаблонным тэкстам. ДАІ: «Мы ні пры чым».
З дзіўнай сітуацыяй сутыкнуліся кіроўцы, якія вырашылі абмяняць свае пасведчанні ў аддзяленні ДАІ г. Мінска па адрасе Ціміразева, 114. Апроч двух абавязковых плацяжоў на агульную суму 21 700 рублёў за пасведчанне, талон і камп’ютарныя паслугі, з іх
збіраюць дадатковыя 15 тысяч рублёў — за «афармленне заявы».Заява — дакумент фармату А4, у які перапісваецца інфармацыя з пашпарту і іншых дакументаў.
У астатніх аддзяленнях ДАІ (гарадскім на праспекце Дзяржынскага і абласным на вуліцы Кальварыйскай) дадатковыя грошы не збіраюцца. Чым выклікана такая дыскрымінацыя? У
Дзяржаўтаінспекцыя не мае дачынення да збору дадатковых грошай: «Такую паслугу аказвае ўласнік памяшкання, у якога арандуе памяшканне ДАІ».
Але плаціць дадатковыя 15 тысяч неабавязкова. Указ N200 кіраўніка дзяржавы зацвярджае спіс адміністратыўных працэдур, якія ажыццяўляюцца дзяржаўнымі органамі ці іншымі арганізацыямі па заявах грамадзян. Для абмену пасведчання кіроўцы патрабуецца аплата 0,5 базавай велічыні за выдачу пасведчання, 0,08 — за афармленне заявы, 0,04 — за камп’ютарныя паслугі.
Ажыццяўленне дзяржаўнымі органамі і іншымі арганізацыямі па заявах грамадзян адміністрацыйных працэдур, не прадугледжаных спісам, не дапускаецца.Якраз у гэтым пункце вядзецца гаворка пра дадатковыя 15 тысяч рублёў.
На сайце Onliner.by прыводзіцца расповед грамадзяніна, які запатрабаваў ад супрацоўнікаў ДАІ афармлення ягонай рукапіснай заявы. Тыя былі вымушаныя бясплатна надрукаваць заяву і запоўніць усе неабходныя радкі.
«Калі ніхто не будзе плаціць па 15 тысяч, я тут працаваць не буду!», —прызналася супрацоўніца ДАІ.
Прыблізны ўзор заявы прыводзіцца тут. У ёй варта дапісаць сваё імя і прозвішча
Цяпер чытаюць
Ціханоўскі — беларусам: «Калі вы чакалі знак, то вось ён». Праходзіць прэс-канферэнцыя з вызваленымі палітвязнямі10
Каментары