На 1 студзеня 2011 года ў Мінску афіцыйна зарэгістравана 36 980 замежнікаў. З пачатку года імі было здзейснена 67 злачынстваў.
У прыватнасці, замежныя госці беларускай сталіцы грашаць хабарніцтвам (14 фактаў), крадзяжамі маёмасці (10 фактаў), вырабам, захоўваннем і збытам падробленых грашовых купюр (6 фактаў), махлярствам (5 фактаў).
Дарэчы, замежнікам пагрозу нясе і наяўнасць адміністрацыйных пакаранняў. Так, дазвол на пастаяннае пражыванне замежнікаў можа быць ануляваны за наяўнасць двух і больш фактаў парушэння адміністрацыйнага заканадаўства цягам года. Таксама магчымасць высылкі за межы Беларусі ёсць і ў аматараў выпіць за рулём.
Каментары